PANGARATAION 9:2 - BIBEL JAMITA NA DENGGAN

² Angka halakna pe godang jana potonganna pe gogo, raksasa do halahi, jana madung dibege hamu na so adong sahalak pe na tarbaen mangalo halahi.

PANGARATAION 9:2 ပူးပေါင်းရင်းမြစ်များ

JOB 11:10

Muda ditangkup Ia ho jana ditogu tu paruhumanNia, gabe ise ma na puluk mangambatisa?

HARURUAR 9:11

Nada tarbaen angka parelmu sihir i ro mandapotkon si Musa, harana halahi pe gok baro do songon halak Mesir na asing i.

DANIEL 11:16

Roha-roha ni raja ni Siria i ma baenonna nada adong pola be paraloan mangambatisa. Inganannia ma tano parjanjian i jana marguru disia sajo noma sudena.

DANIEL 8:4

Huida ma manombeng biri-biri jantan i adop Hasundutan, Utara dohot Selatan. Sada binatang pe nada adong na tahan mangadopi ia sanga na malua sian kuasonia. Roha-rohania sajo ma dibaen ia jana gabe ginjang rohania.

AMOS 2:9

Haru songon i pe ale bangsongKu, hara ni hamu do umbaen na Huabisi halak Amori na ginjang-ginjang i songon bona ni tusam dohot na gogo-gogo i songon bona ni sampinur.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

BILANGAN 13:22

Parjolo, kehe halahi tu Selatan ni luat i jana lalu ma di kota Hebron inganan ni halak Ahiman, Sisai dohot Talmai, pomparan ni sada bangso na marpamatang raksasa, i ma na nidok halak Enak. (Kota Hebron dipajongjong pitu taon andorang so kota Zoan di Mesir.)

BILANGAN 13:28

Tapi halak na gogo do mangingani luat i. Angka kota ni halahi godang jana togu bentengna. Na jumorbut dope, hami ida disi jolma pomparan ni raksasa.

BILANGAN 13:33

Hami ida dope jolma na marpamatang raksasa i, i ma pomparan ni halak Enak. Songon siapor noma pamatangnami hami hilala, jana musti songon i pikiran ni halahi tu hami.”

PANGARATAION 1:28

Jadi, aha ma he gunanta tusi? Mabiar hita. Sian angka halak na tasuru tusi paboahon tu hita, gumogo jana tumogos-togos do bangso i ulang hita, jana sasalangit gincat ni tembok ni kota na niinganan ni halahi. Madung diida halahi raksasa disi!’

PANGARATAION 2:21

Songon halak Anakim, halahi pe laing bangso na ginjang na godang do. Santak do gogo ni halahi, jana bilanganna pe bahat. Hape diabisi Tuhan do halahi, gabe dirampas halak Amon tano ni halahi, lalu diingani halahi.

PANGARATAION 7:24

Pasahaton ni Tuhan angka raja ni halahi tu bagasan kuasomunu. Bunuonmunu ma halahi, jana halupahonon ma halahi saulahon. Sada halak pe nada adong na tarbaen mangambati hamu; sandok halak angkon abiskononmunu.

JOSUA 11:21

Laing di hatiha i muse ma kehe si Josua mamusa bangso Anaki, i ma bangso raksasa na maringanan di luat dolok – i ma di Hebron, Debir, Anab dohot di sude luat pardolok Juda dohot Israel. Dibunu si Josua do halahi sude jana kotana i pe dironcohon.

JOSUA 11:22

Umpe sahalak sian bangso Anaki i na tinggal di Luat Israel; tapi anggo di Gasa, di Gat dohot di Asdod laing adong dope na tinggal piga-piga halak nari.

JOSUA 15:14

Pomparan ni si Enak i, i ma angka halak: Sesai, Ahiman dohot Talmai. Madung dipaorot si Kaleb sudena halahi sian Hebron.