PANGARATAION 9:19 - BIBEL JAMITA NA DENGGAN

¹⁹ Mabiar do au di haririmas ni Tuhan dibaen sun do murukNia, jabat do giot pusaonNia hamu; hape laing ditangihon Tuhan dope au sanoli on.

PANGARATAION 9:19 ပူးပေါင်းရင်းမြစ်များ

MASMUR 106:19

Patung ni anak ni lombu sian sere di Sinai dibaen halahi, lalu marsomba halahi tu patung gana-ganaan i.

MASMUR 106:23

Hara ni i gabe tubu di rohaMu laho mangabisi bangsoMi, tapi diambati si Musa, halak na nitodoMi. Ia gabe panonga-nongai di halahi gabe mombun antong rimasMi.

MASMUR 78:59

Sun ma muruk ni Debata paida-ida pangalaho ni bangsoNa i, gabe ditulak ma halahi balging.

MASMUR 99:6

Si Musa dohot si Harun do angka malimNia, si Samuel do sada na martangiang tuSia. Pio-pio do halahi tu Tuhan, jana dilehen Ia do alusna.

HARURUAR 32:14

Jadi gabe marpangulahi ma roha ni Tuhan i jana nada tulus didalankon Ia na nitahi ni rohaNia maradopkon bangso i parohon hamamago.

HARURUAR 33:17

Didok Tuhan ma tu si Musa, “Huoloi pe pangidoanmi hara ni na lomo rohangKu di ho jana Hutanda ho tangkas.”

HARURUAR 34:10

Didok Ia ma tu si Musa, “Saonnari baenonKu ma parjanjian. BaenonKu ma angka hahomangan di jolo ni bangsomon, songon na so jungada tarjadi di sude tano on di tonga-tonga ni angka bangso. Idaon ni sude bangso na humaliang hamu ma, na nibaen ni Tuhan, angke sanga aha na Hubaen rap dohot ho, pambaenan na godang situtu do i.

BILANGAN 11:2

Gogo ma sora ni halahi pio-pio mangido pangurupion sian si Musa. Dung i martangiang ma si Musa tu Tuhan, gabe mintop ma api i.

PANGARATAION 10:10

“Opat pulu ari opat pulu borngin au di dolok i, songon na hubaen di na parjolo i. Ditangihon Tuhan dope au sanoli nari; jana Ia pe antong satuju ma nada pola pusaonNia be hamu.

PANGARATAION 11:17

Muda dilanggar hamu parenta i, hona muruk ni Tuhan ma hamu. Nada paroonNia udan; mahiang ma tanomunu maradu marigang lopus nada marsuha suan-suanan. Jadi di bagasan hatiha na pendek mate ma hamu disi, haru pe nian tano na napu do na nilehenNa i di hamu.

PANGARATAION 9:20

Muruk sajo do Tuhan dohot tu si Harun, jabat do giot bunuonNa ia, gabe martangiang muse ma au salaho tusia.

PANGARATAION 9:8

Di Dolok Sinai dope madung sun muruk ni Tuhan dibaen hamu, jabat do giot dipusa Ia hamu.

IBRANI 12:21

Sanga aha na niida ni halak Israel i, i noma sogenna jabat didok si Musa, “Mabiar do au jana humitir!”