PANGARATAION 9:15 - BIBEL JAMITA NA DENGGAN

¹⁵ Dung i manuat ma au sian dolok i, huoban batu sidua-dua na marsurat parjanjian i. Di na mardalan au mijur sian dolok i, haruar ma angka dila ni api.

PANGARATAION 9:15 ပူးပေါင်းရင်းမြစ်များ

HARURUAR 19:18

Ditutupi timus ma sudena Dolok Sinai i, angke madung mijur Tuhan tu ginjangna i songon api tompana. Martimbual ma timus idaon songon timus sian tataring, jana humutur ma dolok i gogo sajo.

HARURUAR 9:23

Dung i diangkat si Musa ma tungkotnia tu langit, jana gabe diparo Tuhan ma ronggur dohot ambolas bope porkas manyoro tu tano. Diparo Tuhan,

PANGARATAION 4:11

Baritahon hamu ma tu angka dakdanakmunu sanga songon dia parromunu lalu jongjong di pangkal ni dolok i na nitutupan ni timus na manggolap songon ombun na manyorop dohot api na gara-gara lalu tu langit.

PANGARATAION 5:23

“Di na marjilam-jilam dolok i jana dibege hamu sora sian hagolapan, ro ma angka pamimpin dohot kapala ni angka marga-margamunu tu au.

PANGARATAION 9:16

Huida ma na dung mangalanggar hamu tu parenta na nilehen ni Tuhan Debatamunu tu hamu. Madung mardosa hamu maradopkon Tuhan, hara na nibaenmunu di hamu sada patung ni lombu sian sere.

IBRANI 12:18

Nada pola diadopi hamu songon na masa tu halak Israel najolo. Anggo halahi diadopi halahi do na bolas nijama, i ma Dolok Sinai dohot api na marnyala-nyala i; diadopi halahi do hagolapan, haholomon bope halingsungsung;