PANGARATAION 9:12 - BIBEL JAMITA NA DENGGAN

¹² Dung i didok Tuhan ma tu au, ‘Ompoti ma mijur sian dolok on, angke madung marrorang bangsomu na nipimpinmi ruar sian Mesir; madung mambaen na jahat halahi. Madung manyimbil halahi sian angka na Huparentahon jana dibaen halahi patung sisombaon.’

PANGARATAION 9:12 ပူးပေါင်းရင်းမြစ်များ

MASMUR 78:57

Marbalik do halahi songon ompuna songon sior na bengkok do halahi nada haposan.

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

HOSEA 6:4

Tapi didok Tuhan ma, “Ale Israel dohot Juda! Angkon bia noma hamu baenonKu? Tibu do mago holong ni rohamu tu Au songon nambur sanga ombun manyogot.

GALATIA 1:6

Homang do rohangku hara ni hamu! Hara ni haburjuon ni roha ni Kristus do umbaen na dipio Debata hamu, hape manigor dihudukkon hamu do Debata, gabe kehe hamu mangihutkon ‘jamita na denggan,’ na asing sian Jamita Na Denggan na sian Debata i.

PANGARATAION 31:29

Huboto do, muda dung marujung ngolungku, marjahati ma angka jolma jana tulakkononna ma sanga aha na dung huajarkon tu halahi. Di pudian ni ari, ampe ma parmaraan tu halahi, patunda ni na mangalapi muruk ni Tuhan marhite na mambaen na nilarangNia.”

PANGARATAION 32:5

Tapi anggo hamu, i ma sada bangso na sai marroha mago, na so patut gabe bangsoNa, na gok akal busuk dohot dosa.

PANGARATAION 4:16

Jago ma hamu anso ulang jabat mardosa hamu hara ni na mambaen patung di hamu sandiri gabe sisombaon sanga na bia pe rupana, halaklahi sanga dadaboru,

PANGARATAION 5:15

Ingot ma, na diparhatoban do ho di Mesir jana Au do Tuhan Debatamu na dung paluahon ho mardongan hagogoon na godang. Hara ni i ma umbaen na Huparentahon tu ho laho manghagodangkon Ari Sabat i.

PANGARATAION 9:16

Huida ma na dung mangalanggar hamu tu parenta na nilehen ni Tuhan Debatamunu tu hamu. Madung mardosa hamu maradopkon Tuhan, hara na nibaenmunu di hamu sada patung ni lombu sian sere.

PANGARATAION 9:26

Gabe hutangiangkon ma songon on, ‘O Tuhan Debata, ulang antong pusa halakMon, bangso na dung nipaluaMu jana na nitaruhonMu haruar sian Mesir mardongan gogo dohot kuaso na godang.

PANGARATAION 9:29

Tapi ingot ma, ale Tuhan, bangso na nitodoMu do halahi, jana na dung niobanMu sian Mesir mardongan gogo dohot kuaso na godang.’ ”

JUDAS 1:10

Tapi anggo halahi, mardongan hata incak dialo halahi do sanga aha na so niastuan ni halahi. Tarsongon binatang na so marroha do halahi, na mangastui angka pangalaho hum hara ni bakona sajo. Hape angka na songon i do mambaen hamamago tu halahi.

HAKIM-HAKIM 2:17

Hape nada parduli halak Israel di angka pamimpin i. Nada setia halahi tu Tuhan, tapi marsomba do tu angka debata na asing. Nada diihutkon halahi tiruan na sian ompu na umpompar halahi na burju mangoloi tu angka parenta ni Tuhan.