PANGARATAION 8:20 - BIBEL JAMITA NA DENGGAN

²⁰ Muda nada marpangoloion hamu tu Tuhan, hamu pe laing hona pusa muse do songon angka bangso na giot abiskononNia di jolo ni matamunu.”

PANGARATAION 8:20 ပူးပေါင်းရင်းမြစ်များ

MASMUR 10:16

Tuhan do raja ro di salolotna; angka bangso na so mananda Ia angkon mago sian tano na nilehenNia.

JEREMIA 7:26

Hape nada adong na manangihon sanga na mamparrohahon. Mur jumogal do rohamunu jana mur jumahat sian ompumunu.”

JEREMIA 7:33

Angka bangke i ma panganon ni unggas dohot binatang panyoro jana nada adong manyosaksa.

JEHESKIEL 5:5

Didok Tuhan Debata ma, “Ligi da, on ma Jerusalem. Hubaen do kota on di tonga-tonga ni angka bangso parbegu jana angka luat ni halahi mangkuliangisa.

HAMALIMON 26:27

Dung ditaon hamu sude na songon i, hape laing so ditangihon hamu Au jana nada dioloi hamu Au

HAMALIMON 26:39

Saotik sian hamu na laing mangolu di luat ni musumunu gabe marhancit hara ni dosamunu sandiri dohot dosa ni ompumunu.

PANGARATAION 4:26

Langit dohot tano ma na gabe saksimunu sadari on, muda ampot nada marpangoloion hamu tu na hudok i, manigor mago ma hamu sian tano na giot siingananmunu na di ipar ni Batang aek Jordan i. Nada pola honok hamu tinggal disi, tapi roncohononkon do sudena.

JOSUA 23:8

Tapi, sai tongtong ma hamu unduk tu Tuhan, songon na dung unduk hamu tuSia lopus tu sadari on.