PANGARATAION 8:18 - BIBEL JAMITA NA DENGGAN

¹⁸ Ingot hamu ma! Tuhan Debatamunu i do na mambaen mamora hamu. Patunda ni na laing setia do Ia lalu tu sadari on tu janji na nibaenNia dohot ompumunu umbaen na dipatupa Ia na songon i.

PANGARATAION 8:18 ပူးပေါင်းရင်းမြစ်များ

1 JUJUR TAON 29:12

Sian Ho do haroroan ni sasude hamoraan dohot hasonangan; dirajai Ho do sasudena mardongan hagogoonMu dohot kuasoMu; guru di Ho do mambaen sanga ise gabe halak na godang dohot na gogo.

2 JUJUR TAON 25:9

“Tapi bia ma taringot tu perak na dung sanga i hulehen tu halahi?” ning si Amasia marsapa. Dialusi panurirang i ma, “Tarpaulak Tuhan do tu raja i lobi sian i!”

MASMUR 144:1

Puji ma Tuhan, pangondianku! Dilatik Ia do au marjuang, jana diajar Ia do au marporang.

MASMUR 44:3

Diingani halahi pe tano i nada i hara ni podang; nada hara ni gogona sandiri halahi umbaen na monang, tapi hara ni kuaso dohot sinondang ni bohiMu, na patandahon holong ni rohaMu maradopkon bangsoMu.

PODA 10:22

Hara ni pasupasu ni Tuhan do jolma gabe makayo, marloja-loja markarejo nada patamba harto.

PARJAMITA 12:1

Ingot ma Na Manompa ho taran di haposoonmu, painte so dapot angka taon na gok hasusaan. Anggo di hatiha i dokkononmu ma, “Nada martua ngolungku.”

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

JEREMIA 23:27

na mambaen bangsongKu mangkalupahon Au, marhite nipi na dicaritohon sian na sada tu na asing, songon ompu ni halahi na manghalupahon goarKu hara ni Baal.

HOSEA 2:8

Nada jungada dioku inangmi paboa Au do na mangalehen gandum, anggur, miak zetun dohot sere dohot perak bage na nipakenia i laho marsomba Baal i.

PANGARATAION 26:10

Jadi hara ni i, saonnari huhaulkon ma tu Tuhan patumonaan ni pandapotanku na nilehenNia tu au.’ Dung i baen ma ampang i disi di adopan ni Tuhan, jana marsomba ma ho tuSia.

PANGARATAION 6:11

Gok angka barang-barang na denggan angka bagasna i, jana nada ho na pamasukkonsa. Dapotonmu ma angka sumur, jana nada ho na mangkuarsa, angka kobun anggur dohot zetun, jana nada ho na manyuansa. Muda dioban Tuhan ho tu luat i, jana gabe butong ho,

PANGARATAION 7:12

“Muda sai diparate-atehon hamu do angka parenta on, jana dihaburjuhon hamu mangoloisa, gabe setia muse ma Tuhan Debatamunu i tu parjanjian na nibaenNia dohot hamu. PatuduhononNia ma holong ni rohaNia na manongtong i tu hamu, songon na nijanjihonNia tu ompumunu.

PANGARATAION 7:8

Tapi dihaholongi Tuhan do hamu jana giotNia do manggohi janji na nibaenNia dohot ompumunu. I ma dalanna umbaen na dipalua Ia hamu mardongan kuaso na godang, jana dipalua Ia hamu sian parhatobanan, sian kuaso ni raja ni Mesir.

PANGARATAION 8:1

“Sude aturan na Hulehen tu hamu sadari on, haburjuhon hamu ma mangoloi i, anso hot hamu mangolu, martamba bahat dohot maringanan di tano na nijanjihon ni Tuhan tu ompumunu.

HAKIM-HAKIM 3:7

Dung i mardosa ma mangulahi halak Israel tu Tuhan, Debata ni halahi. Lupa ma halahi tuSia gabe marsomba halahi tu angka gana-ganaan Baal dohot Asera.

HAKIM-HAKIM 7:2

Didok Tuhan ma tu si Gideon, “Mabahattu do anak buami. Nada tarlehen Au hamonangan di halahi maralohon halak Midian, angke dipikir halahi muse hara ni gogo ni halahi sandiri umbaen na monang halahi, gabe nada dilehen halahi pujian tu Au.

1 SAMUEL 2:7

Adong do halak na bile dibaen Ia, adong muse na mora dibaen Ia. Adong do halak na dipatorukNia adong muse na dipatuginjangNia.