PANGARATAION 8:16 - BIBEL JAMITA NA DENGGAN

¹⁶ Di parhorsihan i dilehen Ia do manna gabe sipanganonmunu, i ma sipanganon na so jungada humani dope dipangan ompumunu di jolo ni i. Diparo Ia angka hamaolon tu dirimunu laho manguji hamu anso di ujungna tarbaen Ia mamasumasu hamu dohot rasoki.

PANGARATAION 8:16 ပူးပေါင်းရင်းမြစ်များ

PAMUNGKAAN 22:1

Dung adong sanga sadia honok diuji Debata ma haburjuon ni roha ni si Abraham; dipio Debata ma si Abraham, “Jo Abraham!” ninna. Jadi dialusi si Abraham ma, “Dison do au Tuhan!” ning ia.

2 JUJUR TAON 32:31

Jana dompak diparro ni angka utusan na sian Babel i laho manyapai tusia taringot tu hamamalumnia na pahomang roha i, dipadiar Tuhan ma si Hiskia mambaen lomo ni rohana sandiri laho manguji rohania.

JOB 42:12

Dipasupasu Tuhan ma si Job, maradu marlobi-lobi di angka ngolunia na tinggal i, lumobi sian dompak so masa sitaononnia i. Adong do opat bolas ribu bahatna hambeng biri-biri ni si Job, onom ribu untonia, dua ribu lombu dohot saribu halode.

MASMUR 119:68

Na denggan ma antong rohaMu, jana denggan muse pambaenanMu ajarkon ma tu au angka hatontuan na nibaenMu.

HARURUAR 15:25

Dung i martangiang ma si Musa marsitutu tu Tuhan, dung i gabe dipatidahon Tuhan ma tu si Musa samponggol hayu. Diambungkon si Musa ma hayu i tu aek i, gabe tarinum ma aek i. Di inganan i ma dilehen Tuhan angka paraturan tu halahi, jana disi ma diuji Ia halahi.

HARURUAR 16:15

Di na diida ni halak Israel i, nada diboto halahi sanga aha i, jana marsisapaan ma halahi sama halahi, “Aha do i?” Dung i didok si Musa ma tu halahi, “On ma da roti sipanganon na nilehen ni Tuhan di hamu.

HARURUAR 16:31

Dung i digoari halak Israel ma panganon i “manna”. Pangalahona songon parbatu na menek, tompana bontar, daina songon roti mardongan aer ni loba.

HARURUAR 16:4

Didok Tuhan ma, “Giot paroonKu ma saonnari sipanganon marlobi-lobi songon udan di hamu sudena. Ganop ari angkon papunguonmunu do sipanganon tuk balanjo sadari. Songon i ma baenonKu manguji bangsongKu anso tarboto sanga na ra do halahi mangoloi angka na Huparentahon.

HARURUAR 20:20

Didok si Musa ma, “Ulang mabiar hamu, na giot mancubo rohamunu sajo do dibaen na ro Debata, anso tongtong mangoloi hamu tuSia jana ulang mardosa hamu.”

PODA 17:3

Sere dohot perak diuji di bagasan api, tapi anggo roha ni jolma Tuhan do manguji.

DANIEL 11:35

Hona bunu ma deba angka pamimpin na marbisuk i, tapi akibatna songon on ma: gabe mur polin ma angka jolma i. Songon i ma torus lalu tu hatiha na parpudi, i ma hatiha na dung ditontuhon Debata.

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

2 KORINTUS 4:17

Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.

PANGARATAION 13:3

ulang ma lehen hamu saotik pe rohamunu tusi. Na nipake ni Tuhan Debatamunu do halakna i laho manguji hamu laho marnida sanga na tutu situtu do sian sandok roha dihaholongi hamu Tuhan.

PANGARATAION 8:2

Ingot hamu ma! Opat pulu taon lolotna Tuhan Debatamunu manogu-nogu hamu di pardalanan na dao manyalpui parhorsihan. Diloas Ia masa angka hamaolon tu hamu laho manguji hamu, anso tarida Ia sanga aha na giot baenonmunu jana sanga na oloanmunu do angka parentaNia.

PANGARATAION 8:3

Dipadiar Ia hamu tangkuraparon, dung i dilehen Ia tu hamu manna baen panganon, i ma sipanganon na so jungada hian dope dipangan hamu sanga ompumunu. Na mangajari hamu do umbaen dipatupa Tuhan songon i bahaso nada hum sian roti sajo jolma mangolu, tapi sian sude na nidok ni Tuhan.

JAKOBUS 1:12

Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.