PANGARATAION 8:15 - BIBEL JAMITA NA DENGGAN

¹⁵ Dipimpin Tuhan do hamu mamolus parhorsihan na bolak jana na jorbut i, disi bahat ulok na marbisa dohot hala. Di tano na mahiang na so maraek i disuru Ia do mardalan aek sian batu mamak na pir i anso minum hamu sapuas-puasna.

PANGARATAION 8:15 ပူးပေါင်းရင်းမြစ်များ

MASMUR 105:41

Dibola Ia dolok batu gabe mamincar aek, mardalan di parhorsihan songon batang aek.

MASMUR 114:8

Ia do na pauba batu karang gabe tobat, jana dolok batu gabe mual ni aek na mardalan.

MASMUR 136:16

Diuluhon Ia bangsoNia mamolus parhorsihan, hot do holong ni rohaNia sapanjangna.

JESAYA 30:6

Songon on ma tona ni Debata salaho tu angka binatang na maringanan di padang halongonan na di Selatan: “Bobanan ni angka suruan i ma halode dohot unto ni halahi dohot angka silua, dung i boluson ni halahi ma luat na gok parmaraan, na niinganan ni singa, ulok na bisa dohot naga na marhabong. Dipasahat halahi ma angka silua i tu sada bangso na so lobassa mangurupi halahi.

JESAYA 35:7

Pasir na milas gabe ambar, tano na harsang aekna marjabar-jabar. Na somal inganan ni anjing harangan, gabe hatubuan ni duhut dohot pandan.

JESAYA 43:19

Ligi ma, giot baenonKu ma sada pangalaho na imbaru, saonnari mamungka ma tarida, madung he diboto ho? Na giot baenonKu ma dalan di halongonan, mardalan ma angka aek godang di padang na bidang.

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

HOSEA 13:5

Di tano na harsang di padang halongonan, Au do na manjagohon hamu.

BILANGAN 20:11

Dung i dilipatkon si Musa ma tungkot i tu batu na godang i pola dua noli. Manigor kaluar ma aek na doras sian batu i gabe minum halahi sude dohot pahan-pahanan ni halahi.

BILANGAN 21:6

Dung i diparo Tuhan ma angka ulok na bisa tu tonga-tonga ni halahi. Bahat halak Israel mate dipagut ulok i.

1 KORINTUS 10:4

jana rap siinumon partondion do diinum halahi. Rap minum sian dolok batu partondion do halahi, i ma batu partondion na mandongani halahi; Kristus sandiri do anggo batu partondion i.

PANGARATAION 1:19

“Dung i tapatulus muse ma sanga aha na niparentahon ni Tuhan tu hita. Tatadingkon ma Dolok Sinai, lalu mardalan hita mamolus parhorsihan na bidang jana na jorbut i laho tu luat partoran ni halak Amori. Di na lalu hita di Kades-Barnea,

PANGARATAION 32:13

Tola ma halahi mangarajai partoran, di tano na marbatu inganan ni zetun martubuan. Panganon ni halahi do parbatu ni angka ladang minum aer ni loba harangan sian batu na marigang.