PANGARATAION 8:11 - BIBEL JAMITA NA DENGGAN

¹¹ “Jamot ma hamu, anso ulang jabat dihalupahon hamu Tuhan Debatamunu; sian sude parentaNia na Hulehen tu hamu sadari on, ulang adong sada pe na nipasidingmunu.

PANGARATAION 8:11 ပူးပေါင်းရင်းမြစ်များ

MASMUR 103:2

Puji ma Tuhan, ale tondingku, jana ulang halupahon sude hadenggananNa!

MASMUR 106:21

Dihalupahon halahi do Debata na paluahon halahi, na dung patupahon angka pangalaho na godang di Mesir,

PODA 1:32

Mate ma halak na so marpangalaman patunda ni na so ra manjagit au, jana magete ma halak na oto hara ni na so ra mangalehen rohana tu au.

PODA 30:9

Harana, muda ompot kayo au, betak na gabe dokkononku do, na so porlu Ho di au. Jana muda marpogos au, betak na manangko ma au, jadi gabe hodar goarMu.”

JESAYA 51:13

Hara ni i dihalupahon ho ma Tuhan na manompa ho, na pahembangkon langit jana mamayakkon ojahan ni tano on, hara ni i mabiar jana gamang ho sasadari, maradopkon pangamuk ni na mamparkanciti, di na singkop ia giot pangabiskon ho. Di dia ma he lakna pangamuk ni na mamparkanciti i?

JEREMIA 23:27

na mambaen bangsongKu mangkalupahon Au, marhite nipi na dicaritohon sian na sada tu na asing, songon ompu ni halahi na manghalupahon goarKu hara ni Baal.

HAMALIMON 13:48

sanga angka sipaulion gabe barang pakean sian bobak.

MALEAKI 4:4

Ingot hamu ma angka Tona na niajarkon ni naposongKu si Musa, ingot hamu ma angka aturan dohot angka parenta na Hulehen tusia di Dolok Sinai na gabe sioloan ni sandok halak Israel.

BILANGAN 15:39

Hasaya ni rambu-rambu i gabe parningotan ma i. Ganop diida hamu i ingotonmunu ma sude parentangKu jana angkon patulusonmunu. Jadi hara ni i nada hudukkononmunu be Au giot patuluskon lungun ni rohamunu dohot hagiotmunu sandiri.

PANGARATAION 11:32

jadi sai oloi hamu ma sude aturan na hulehen tu hamu di ari sadari on.”

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PANGARATAION 4:5

Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

PANGARATAION 6:11

Gok angka barang-barang na denggan angka bagasna i, jana nada ho na pamasukkonsa. Dapotonmu ma angka sumur, jana nada ho na mangkuarsa, angka kobun anggur dohot zetun, jana nada ho na manyuansa. Muda dioban Tuhan ho tu luat i, jana gabe butong ho,

PANGARATAION 7:11

Jadi, angkon oloanmunu do sasude na dung diajarkon i tu hamu, oloi hamu ma sude aturan na Hulehen tu hamu di ari on.”

PANGARATAION 8:14

jamot ma hamu anso ulang gabe manyombong hamu jana lupa tu Tuhan Debatamunu na dung paluahon hamu sian Mesir, ingananmunu diparhatoban.

HAKIM-HAKIM 3:7

Dung i mardosa ma mangulahi halak Israel tu Tuhan, Debata ni halahi. Lupa ma halahi tuSia gabe marsomba halahi tu angka gana-ganaan Baal dohot Asera.