PANGARATAION 8:10 - BIBEL JAMITA NA DENGGAN

¹⁰ Sandok sipanganon por ni rohamunu, rade do di hamu, jana mandok tarimakasi ma hamu tu Tuhan Debatamunu hara ni tano napu na dung nilehenNa i di hamu.”

PANGARATAION 8:10 ပူးပေါင်းရင်းမြစ်များ

1 JUJUR TAON 29:14

Anggo satutuna nian, nada adong tarlehen au dohot rayatkon sanga na aha tu Ho, angke na nilehenMu do sasudena jana sanga aha pe na hami pasahat on, laing Ho do nampunasa.

MASMUR 103:2

Puji ma Tuhan, ale tondingku, jana ulang halupahon sude hadenggananNa!

PODA 3:9

Pasangap ma Tuhan marhite na manghaulkon na dumenggan sian suha ni tanomu tuSia,

JESAYA 5:1

Tangihon bo marende au salaho tu kobun anggur ni donganku. Adong do kobun anggur ni donganku di gincat ni tor na napu.

JOEL 2:26

Tuk ma sipanganon di hamu, nada be sai malean, pujionmunu ma mangulahi Debatamunu, Tuhan, angke dibaen Ia do di hamu bahat hahomangan. Indada gabe sihata-hataan ni halak be bangsongKi!

MATEUS 14:19

Dung i disuruhon Ia ma halak na bahat i marjuguhan di duhut-duhut i. Dung i dibuat Ia ma roti na lima i dohot ihan na dua i. Manatap ma Ia adop langit, mandok tarimakasi tu Debata. Dipasupasu Ia ma roti i, dung i dilehen Ia ma tu anak siseanNia i anso dibagi-bagihon tu halak na bahat i.

JOHANNES 6:23

Adong do angka parau na marroan sian Tiberias maradian donok tu inganan parmanganan ni halak na mangan roti i dung didok Jesus tarimakasi tu Debata.

SURAT NI SI PAULUS TU PARLAGUTAN ROM 14:6

Halak na mangkilala umporlu sada-sada ari, laho pasangap Tuhan i do dibaen halahi songon i. Halak na mangankon sanga aha sajo, laho pasangap Tuhan i do i, angke mandok tarimakasi do ia tu Debata hara ni sipanganon i. Laing songon i muse do halak na marimbar sipanganonna; halahi pe dipasangap halahi do Tuhan i jana mandok tarimakasi do halahi tu Debata.

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

PANGARATAION 31:20

ObanonKu ma halahi tu tano na napu jana na marlobian susu dohot madu, songon na dung Hujanjihon tu ompu ni halahi. Dapot halahi ma disi sipanganon na porlu di halahi jana mangolu di bagasan sonang ma halahi. Tapi di pudian ni ari marbalik ma halahi jana marsomba tu angka debata na asing. Tulahon ni halahi ma Au jana gagaan ni halahi ma parjanjianKu,

PANGARATAION 8:9

Anggo disi nada unjung tangkuraparon sanga hurangan hamu. Marisi bosi do batu karangna i jana sian angka dolok-dolokna i tartombang hamu do tumbaga.

1 TESSALONIKA 5:18

Di sude pangalaho na masa, tongtong ma hamu mandok tarimakasi, angke na songon i do dipangido roha ni Debata sian hamu songon angka na mangolu marsada dohot Jesus Kristus.