PANGARATAION 7:26 - BIBEL JAMITA NA DENGGAN

²⁶ Sada pe sian angka patung i ulang jabat dioban hamu tu bagasan bagasmunu, anso ulang madabu tu hamu bura na di ginjang ni halahi. Angkon magigi do hamu jana angkon layas do idaonmunu angka patung i, angke na hona bura ni Tuhan do i.”

PANGARATAION 7:26 ပူးပေါင်းရင်းမြစ်များ

JESAYA 30:22

Ambungkononmunu ma angka patung ni gana-ganaanmunu na marlampis perak dohot sere, jana dokkononmunu ma: “Morot ma sian au!”

JESAYA 41:24

Satutuna, sisoada do hamu dohot na nipambaenanmunu, jana hagigian sajo angka na marsomba tu hamu.

JEHESKIEL 11:18

Muda mulak halahi, ambungkonon ni halahi noma sude gana-ganaan sihagigian dohot na jorbut i na nidapot ni halahi.

JEHESKIEL 14:7

Sandok halak Israel dohot halak sileban na maringanan di tonga-tonga ni bangso Israel, na mandao sian Au jana kehe marsomba gana-ganaan, dung i ro muse mangido sipaingot tu sada panurirang, Au sandiri na mangalusisa.

HOSEA 14:8

Sanoli nari giot mulak halahi jana ondihononKu noma halahi. Tibu do halahi maradu sonang, songon gandum di tano napu na tibu martumbur. Tudos ma halahi tu kobun anggur, songon anggur Libanon tibu goar ni halahi tarbarita.

ZAKARIA 5:4

Madung Husuru ia haruar, ninna Tuhan Na Markuaso, anso hona ma i tu bagas ni panangko dohot tu bagas ni na marsumpa pargabus marhite goarKu, jana anso marborngin i di bagas ni halahi, pangabisonna ma angka hayuna bope angka batuna.”

SURAT NI SI PAULUS TU PARLAGUTAN ROM 2:22

Diajari hamu anso ulang markarosuan halak na asing, hape apala ho sandiri markarosuan! Goyak rohamunu mida gana-ganaan, hape dibuat hamu sandiri angka barang-barang sian inganan ni gana-ganaan i.

PANGARATAION 13:16

Angkon palaguton sude sinadongan ni halak kota i, jana dipagukguk di tonga ni alamanna i, lalu disurbu ma sude kota i dohot sasude na di bagasanna songon haul tu Tuhan Debatamunu. Dung sidung i sudena angkon tinggalkonon do i songon lobu jana nada tola be ulahan mambangunsa.

PANGARATAION 13:17

Nada tola simpanonmunu di hamu anggo barang na hona bura, tapi angkon roncohononmunu do i. Jadi gabe mombun ma rimas ni Tuhan jana patuduhononNia ma ibo ni rohaNia tu hamu. Basa ma rohaNia tu hamu jana baenonNia ma hamu gabe bangso na godang, songon na nijanjihonNia tu ompumunu,

PANGARATAION 13:18

asalkon ma dioloi hamu sude parentaNia na hulehen tu hamu di ari sadari on, jana dipatulus hamu sandok hagiotNia.”