PANGARATAION 7:25 - BIBEL JAMITA NA DENGGAN

²⁵ Angkon tutunganmunu do sude angka patung na nisomba ni halahi, ulang por rohamunu di sere sanga perak na lohot di angka patung i jana ulang buat hamu muse i baen di hamu sandiri. Muda dilanggar hamu parenta on, mate ma hamu, angke magigi do Tuhan maradopkon parsombaan tu patung.

PANGARATAION 7:25 ပူးပေါင်းရင်းမြစ်များ

2 RAJA-RAJA 23:14

Angka tugu ni debata dohot patung ni debata boru-boru Asera, dirunggangkon jana angka tano hajongjongan ni angka tugu dohot patung i, ditimbun ma tusi angka holi-holi ni jolma.

1 JUJUR TAON 14:12

Marsilojong di ibana be ma tentara ni halak Pilistin i, nada jabat taroban halahi angka patung ni halahi. Dung i diparentahon si Daud ma anso ditutungi angka patung i.

HARURUAR 20:17

Ulang impol rohamu di bagas ni donganmu jolma; ulang impol rohamu di dadaborunia, bope naposona bope lombuna bope halodena, bope di sanga aha nampuna ni donganmu jolma.”

HARURUAR 32:20

Dung i dibuat ia ma anak ni lombu na nipature ni halahi i, ditutung ia ma tu api diduda ia ma lopus lamot, diduruskon ia ma tu aek jana disuru ia ma halak Israel manginumsa.

HARURUAR 8:26

“Nada tarpatupa hami i,” ninna si Musa mangalusi, “harana gabe hancit roha ni halak Mesir i, hara ni pahan-pahanan na hami haulkon tu Tuhan Debatanami. Muda gabe hancit do roha ni halak Mesir i hara ni pahan-pahanan na hami sambol jana na hami sombahon di inganan na bolas idaon ni halahi, gabe dangguran ni halak Mesir i ma hami dohot batu lopus mate.

JESAYA 30:22

Ambungkononmunu ma angka patung ni gana-ganaanmunu na marlampis perak dohot sere, jana dokkononmunu ma: “Morot ma sian au!”

JESAYA 41:24

Satutuna, sisoada do hamu dohot na nipambaenanmunu, jana hagigian sajo angka na marsomba tu hamu.

HAMALIMON 13:52

Angkon tutungon ni malim ma barang i, hara ni na martamba-tamba do lapukna i, hara ni i angkon ditutung tu api.

HAMALIMON 19:4

Ulang marbalik hamu sian Au, gabe kehe hamu manyomba gana-ganaan. Ulang baen hamu angka gana-ganaan sian angka logam jana manyomba tusi. Au do Tuhan Debatamu.

ZEPANYA 1:3

sude jolma dohot binatang sude unggas dohot ihan. PutusanKu noma sandok jolma manusia, sahalak pe nada paloasonKu be mangolu. Au Tuhan, madung mandok songon i.

PANGARATAION 12:3

Parrumpakkon hamu ma angka langgatan ni halahi jana ropuhi hamu angka tiang batu na nietong ni halahi keramat. Tutungi hamu ma angka na manggambarkon Asera debata ni halahi jana sarsarkon hamu ma angka patung ni halahi, lopus nada tarbaen be marsomba tu barang-barang i di inganan i.

PANGARATAION 13:16

Angkon palaguton sude sinadongan ni halak kota i, jana dipagukguk di tonga ni alamanna i, lalu disurbu ma sude kota i dohot sasude na di bagasanna songon haul tu Tuhan Debatamunu. Dung sidung i sudena angkon tinggalkonon do i songon lobu jana nada tola be ulahan mambangunsa.

PANGARATAION 17:1

Lombu sanga biri-biri na martihas, ulang haulkon hamu tu Tuhan, angke magigi do Tuhan Debatamunu tusi.

PANGARATAION 23:18

Songon i hepeng na dapot sian dalan na songon i, nada tola obanon tu Bagas Ni Tuhan Debatamunu baen panggarar ni haul bagi aha, angke magigi do Tuhan tu angka panggampang di bagas pamelean ni angka debata na asing i.

PANGARATAION 27:15

Angka halak Levi mandok, ‘Bura ni Debata ma di jolma na mambaen patung sian batu, hayu sanga logam, jana na manyomba i di na buni; dihagigihon Tuhan do na mamele gana-ganaan!’ Sude bangso i mandok, ‘I ma tutu!’

PANGARATAION 7:16

Sandok bangso na nipasahat ni Tuhan Debatamu tu bagasan kuasomunu, siabiskononmunu do sudena i; ulang patuduhon hamu ibo ni roha tu halahi. Ulang somba hamu angka debata ni halahi, dibaen na mangalapi hamatean tu dirimunu do pangalaho na songon i.

PANGARATAION 7:5

Antong, angkon parrumpakkononmunu do angka langgatan ni bangso i, ropuhi hamu angka tiang batu na nietong ni halahi keramat, rumpakkon hamu angka gambaran ni Asera dewi ni halahi i jana tutungi hamu angka patung na nisomba ni halahi.

JOSUA 7:1

Madung diparentahon Tuhan halak Israel bahaso na so tola buaton sada pe sian sandok na adong di Jeriko na angkon sisegohononkon. Hape nada dioloi parenta i. Adong ma sada bayo na margoar si Akan na mangalanggar parenta i, jadi gabe muruk situtu ma Tuhan tu halak Israel. (Amang ni si Akan goarna si Karmi jana ompungnia margoar si Zabdi na sian horong ni Marga Zerah na masuk tu Marga Juda.)

JOSUA 7:21

Sian tonga-tonga ni angka barang na tarampas i, adong huida sada baju juba Babilonia na jeges sajo; huida muse perak hira-hira borat dua kilogram dohot sere sabatang marborat lobi satonga kilogram. Por sajo rohangku anso di au nian angka barang i, jadi gabe hubuat ma i. Hutabunihon do sudena i di bagasan tano di bandarki; perakna i ma di bagian partoru.”

HALUMBAAN 17:5

Tarsurat do di bohina i sada goar rahasia. Anggo goar i, i ma “Babel Na Godang i, ina ni sandok panggampang dohot angka parbuatan na so ture di portibi on.”