PANGARATAION 7:19 - BIBEL JAMITA NA DENGGAN

¹⁹ Ingot hamu ma angka parmaraan godang na niidamunu sandiri, angka tanda na pahomang roha, dohot hagogoan godang na nipake ni Tuhan Debatamunu laho paluahon hamu. Sude bangso na nihabiaranmunu abiskononNa do i songon pangabiskonNa di halak Mesir.

PANGARATAION 7:19 ပူးပေါင်းရင်းမြစ်များ

MASMUR 136:12

marhite tangan na gogo jana na marsahala, hot do holong ni rohaNia sapanjangna.

MASMUR 44:4

Ho do Debatangku dohot Rajangku, na mangalehen hamonangan di si Jakob.

MASMUR 77:12

Pasari-sarion ni rohangku do sude pambaenanMu, hupikiri do hagodangan ni parkarejoanMu.

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

PANGARATAION 29:3

Madung diida hamu muse angka parmaraan na jorbut, angka tanda hahomangan dohot na so tarastui roha na nibaen ni Tuhan.

PANGARATAION 3:21

Dung i hudok ma tu si Josua, ‘Madung diida ho sandok na nibaen ni Tuhan Debatamu maradopkon si Sihon dohot si Og raja na dua i. Songon i muse ma baenonNia tu sandok raja na nirampasmunu tanona.

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

JOSUA 10:25

Dung salpu i, didok si Josua ma tu angka panglimania i, “Ulang hamu mabiar jana ulang gamang. Angkon pos rohamunu jana barani, angke songon on ma baenon ni Tuhan sude angka musumunu.”

JOSUA 24:17

Tuhan Debatanta do antong na paluahon ompunta dohot hita sian parhatobanan di Mesir. Madung taida angka hahomangan na nibaen ni Tuhan. Sai diondihon Tuhan do hita di bagasan sude pardalananta manyalpui angka luat na asing.

JOSUA 3:10

Jadi muda mardalan hamu naron, pasti do paoroton ni Tuhan angka halak Kanaan, Het, Hewi, Peris, Girgasi, Amori dohot halak Jebus. Idaonmunu ma bahaso na di tonga-tongamunu do Debata na mangolu i,