PANGARATAION 7:18 - BIBEL JAMITA NA DENGGAN

¹⁸ Ulang mabiar hamu tu halahi; ingot hamu na sanga aha na dung dibaen Tuhan Debatamunu tu raja ni Mesir dohot sude rayatna i.

PANGARATAION 7:18 ပူးပေါင်းရင်းမြစ်များ

MASMUR 105:5

O ale pomparan ni si Abraham, naposo ni Debata dohot pomparan ni si Jakob, bangso na nipiliNia, ingot hamu ma sude hahomangan na nibaenNia, ulang halupahon hamu angka uhum ni Debata.

MASMUR 77:11

Sai paingot-ingotonku do angka pambaenanMu, ale Tuhan, huingot do angka pambaenanMu na pahomangkon di hatiha na salpu.

MASMUR 77:12

Pasari-sarion ni rohangku do sude pambaenanMu, hupikiri do hagodangan ni parkarejoanMu.

MASMUR 78:11

Dihalupahon halahi do angka pambaenanNia, angka pangalaho na so haastuan roha na nipatangkasNia tu halahi.

BILANGAN 21:34

Didok Tuhan ma tu si Musa, “Ulang pola habiari i. Monang do ho baenonKu. Taluhononmu ma ia dohot sude rayat na di luatna i. Baen ma tusia songon na nibaenmu tu Raja Sihon na mangarajai Hesbon.”

PANGARATAION 1:21

Ligi ma, indu ma di adu tano na nilehen ni Tuhan Debatamu tu ho. Kehe ma hamu mangingani tano i songon na niparentahon ni Tuhan, i ma Debata na nisomba ni ompumu. Ulang mabiar rohamunu sanga mandele.’

PANGARATAION 1:29

Tapi hudok do, ‘Ulang mabiar hamu tu angka jolma i.

PANGARATAION 1:30

Tuhan Debatamunu do mamimpin hamu dohot marporang humopkop hamu songon na dung niidamunu sandiri di Mesir

PANGARATAION 20:1

“Muda kehe hamu marporang mangalo angka musumunu, ulang hamu mabiar mida kareta dohot kudo ni halahi na bahat bope na umbahat bilanganna sian hamu. Tuhan Debatamunu do paluahon hamu sian Mesir, laing Ia do mandongani hamu.

PANGARATAION 3:6

Taabisi do sude kota i jana tabunu sude halaklahi, dadaboru dohot dakdanak, laing songon na tabaen di angka kota ni Raja Sihon na sian Hesbon.

PANGARATAION 31:5

Lehenon ni Tuhan ma hamonangan di hamu maralohon halahi, jana angkon baenonmunu do tu halahi laing songon na hudokkon i tu hamu.

PANGARATAION 31:6

Togu ma rohamunu jana barani! Ulang mabiar hamu mida halahi! Debatamunu i, Tuhan sandiri ma mandongani hamu. Nada pailaon sanga tadingkononNia hamu.”

JOSUA 8:1

Didok Tuhan ma tu si Josua, “Kehe ma ho dohot sude tentarami tu Ai. Ulang gamang hamu jana ulang mabiar! Giot baenonKu do ho monang maralohon raja ni Ai, kotana dohot luatna i gabe ho nampunasa.

HAKIM-HAKIM 6:13

“Tola dehe au marsapa Tuan? ning si Gideon mangalusi. Muda tutu Tuhan mandongani hami, antong biasi didondoni angka pangalaho on hami? Di dia do sandok hahomangan na jungada dibaen Tuhan najolo i jana na nicaritohon ni angka ompu na umpompar hami sanga songon dia pangharuarkon ni Tuhan di halahi sian Mesir? Saonnari madung ditadingkon Tuhan hami jana dipadiar Ia hami dirajai angka halak Midian.”