PANGARATAION 7:16 - BIBEL JAMITA NA DENGGAN

¹⁶ Sandok bangso na nipasahat ni Tuhan Debatamu tu bagasan kuasomunu, siabiskononmunu do sudena i; ulang patuduhon hamu ibo ni roha tu halahi. Ulang somba hamu angka debata ni halahi, dibaen na mangalapi hamatean tu dirimunu do pangalaho na songon i.

PANGARATAION 7:16 ပူးပေါင်းရင်းမြစ်များ

MASMUR 106:34

Nada diabiskon halahi angka bangso na asing, hombar tu na diparentahonMu humani.

MASMUR 106:36

Gabe marsomba ma bangsoMu tu gana-ganaan, jana i ma di halahi boncir ni hadabuan.

HARURUAR 23:33

Ulang padiar-diar hamu halahi mangingan-ingani luatmunu i; harana anggo dipadiar hamu do halahi disi, gabe mardosai do hamu baenon ni halahi. Muda disomba hamu angka debata ni halahi, madabu do hamu tu tirangkap ni hamatean.”

JEREMIA 21:7

Ho dohot angka pagawemu maradu angka jolma na malua sian parporangan, tangkuraparon dohot nyae masa, padiaronKu sudena i hona tangkup baenon ni Raja Nebukadnesar dohot baenon ni angka musu na giot mamatehon ho. Bunuon ni si Nebukadnesar ma hamu sude nada adong ampunan dohot ibo ni rohana. Au Tuhan, mandok songon i.”

BILANGAN 33:55

Muda so ra na mangingani luat i dipaorot hamu gabe i ma na manyusai hamu songon horsik di mata sanga songon duri di pat muse gabe porangan ni halahi ma hamu.

1 KORINTUS 15:33

Ulang jabat tarpaoto-oto hamu! Muda dipardongan hamu halak na jahat, gabe jahat muse do parangemunu na denggan i.

PANGARATAION 13:8

ulang tangihon i jana ulang padiar dirimu dielek-eleksa. Ulang ibo rohamu di halak sisongon i sanga diondihon ho,

PANGARATAION 13:9

tapi angkon bunuonmu do i. Angkon ho do parjolo mandanggurkon batu tusi, jana suru muse ma dongan na asing mambaen songon i.

PANGARATAION 19:13

Ulang dibaen ibo ni roha tusia. Palua hamu ma Israel sian sibunu jolma i, anso sonang hamu.”

PANGARATAION 19:21

Di angka parkaro sisongon i, ulang baen hamu ibo ni roha. Angka songon on ma uhumanna: Hosa gonti ni hosa, mata gonti ni mata, ipon gonti ni ipon, tangan gonti ni tangan, jana pat gonti ni pat.”

PANGARATAION 25:12

ulang dibaen ibo ni roha tu dadaboru i; nigotapkon tanganna i.

PANGARATAION 7:2

Muda dipasahat Tuhan Debatamu angka bangso i tu bagasan kuasomu jana talu halahi dibaen ho, angkon bunuonmunu do sude halahi. Ulang baen parjanjian dohot halahi, sanga pe maribo ni roha.

PANGARATAION 7:25

Angkon tutunganmunu do sude angka patung na nisomba ni halahi, ulang por rohamunu di sere sanga perak na lohot di angka patung i jana ulang buat hamu muse i baen di hamu sandiri. Muda dilanggar hamu parenta on, mate ma hamu, angke magigi do Tuhan maradopkon parsombaan tu patung.

JOSUA 11:20

Dipajogal Tuhan do roha ni halahi laho marporang mangalo angka halak Israel, anso hona pusa halahi jana dibunu sude nada adong ampunanna. Songon i do parenta ni Tuhan tu si Musa.

HAKIM-HAKIM 2:12

Ditadingkon halahi ma Tuhan na maroban halahi ruar sian Mesir. Jana mulai ma halahi marsomba tu debata na asing, i ma debata ni angka bangso na humaliang halahi. Hara ni i gabe muruk ma Tuhan.

HAKIM-HAKIM 2:3

Jadi saonnari, tangihon hamu ma! Nada paorotonku angka halak luat on muda marporang hamu dohot halahi. Gabe musumunu ma halahi, jana tarjorat ma hamu, lopus dohot hamu marsomba tu angka debata ni halahi.”

HAKIM-HAKIM 3:6

Marsibuatan boru ma halak Israel dohot angka bangso i. Jana dohot ma halak Israel marsomba tu angka debata ni halahi.

HAKIM-HAKIM 8:27

Dipauli si Gideon ma sian sere i sada patung ni gana-ganaan, dibaen ia ma i di hutania, i ma di Ofra. Kehe ma tusi sude halak Israel laho marsomba gana-ganaan i, jabat nada diparrohahon halahi be Debata. Jana pangalaho i ma na gabe songon jorgong di si Gideon dohot di keluargania.