PANGARATAION 7:15 - BIBEL JAMITA NA DENGGAN

¹⁵ Jagohonon ni Tuhan do hamu sian sude nyae na masa, jana dipadao sian sude nyae na masa godang na niidamunu di Mesir, tapi dihonahon ma angka bala i tu angka musumunu.

PANGARATAION 7:15 ပူးပေါင်းရင်းမြစ်များ

MASMUR 91:10

Gabe nada hona bala be ho, bagasmu nada boluson ni tilako.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

HARURUAR 23:25

Muda disomba hamu Au, Tuhan Debatamunu, pasupasuonKu ma hamu pasingkop sipanganon dohot si inumonmunu, jana padaoonKu ma nyae sian hamu.

HARURUAR 9:11

Nada tarbaen angka parelmu sihir i ro mandapotkon si Musa, harana halahi pe gok baro do songon halak Mesir na asing i.

PANGARATAION 28:27

Hona uhum na ho baenon ni Tuhan marhite baro, songon na nibaenNa tu halak Mesir. Sap ma pamatangmunu dohot baro bope rasa na gatal tapi nada adong ubatna.

PANGARATAION 28:60

Angka nyae na jorbut na nitaonmunu di Mesir, mangulahi ma i aeonmunu, jana nada ra be malum ho.

PANGARATAION 30:7

Ampehonon ni Tuhan Debata ma tu angka musumunu na sai magigi mida hamu dohot na manyosak hamu angka bura i.