PANGARATAION 7:12 - BIBEL JAMITA NA DENGGAN

¹² “Muda sai diparate-atehon hamu do angka parenta on, jana dihaburjuhon hamu mangoloisa, gabe setia muse ma Tuhan Debatamunu i tu parjanjian na nibaenNia dohot hamu. PatuduhononNia ma holong ni rohaNia na manongtong i tu hamu, songon na nijanjihonNia tu ompumunu.

PANGARATAION 7:12 ပူးပေါင်းရင်းမြစ်များ

1 RAJA-RAJA 8:23

lalu martangiang, “Ale Tuhan Debata ni Israel, di langit dohot di tano on, nada adong debata na songon Ho. Dipatulus Ho do janjiMu jana dipatidahon Ho do holongMu tu sude bangsoMu na sai burju jana mangoloi tu Ho sian nasa rohana.

NEHEMIA 1:5

“Ale Tuhan Debata na markuaso di banua ginjang Debata Na Godang do Ho, jana di bagasan gok biar do hami ro mangadop tu Ho. Sai tongtong do holong rohaMu di angka na mangkaholongi Ho jana na mangoloi parentaMu jana ditiop Ho do janjiMu tu halahi.

NEHEMIA 9:32

O Debata, Debatanami na gogo! Debata na godang jana na jorbut! Sai na setia do Ho maniop sumpa dohot janji, digohi Ho do sandok janjiMu jana dipatulus Ho do i. Mamungka sian na nipisat ni raja Asur hami, lopus saonnari, ma bahat pardangolan hami alami. Angka raja, malim, panurirang maradu hatobangonnaMi, bope ompu dohot rayat madung sude manaonkon i. Ulang halupahon sude na hancit i! Ulang nian agohon i sian parningotanMi!

MASMUR 103:18

di halak na marsitiopan tu parjanjianNa, dohot na marsitutu mangoloi parentaNa.

MASMUR 149:9

laho manguhumi angka bangso hara ni parenta ni Debata. I ma hamonangan ni bangso ni Debata. Puji ma Tuhan!

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

JEREMIA 11:5

Muda dipatulus halahi sudena i, patulusonKu ma janjingKu tu ompu ni halahi, bahaso lehenonKu ma tu halahi tano napu jana na sonang na niinganan ni halahi saonnari.” Hualusi ma, “Denggan ale Tuhan.”

DANIEL 9:4

Huoku do disi sude dosa ni bangsongku tu Tuhan Debatangku. Ningku do, “O Tuhan Debata, na godang do Ho jana hami parsangapi do Ho. Sai dipatulus Ho do baga-bagaMu jana dipatuduhon Ho do holong ni rohaMu na manongtong i tu angka na marholong ni roha tu Ho jana na patuluskon sanga aha na niparentahonMu.

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

LUKAS 1:55

I ma janji na patuduhon haburjuonNia tu si Abraham dohot tu sude pomparannia sapanjangna.”

PANGARATAION 1:8

Ingot ma; Au do Tuhan na dung manjanjihon sude tano i tu ompumunu si Abraham, si Ishak dohot si Jakob maradu tu pomparan ni halahi. Antong, kehe ma hamu, jana ingani hamu ma luat i.’ ”

PANGARATAION 11:13

Antong muda songon i, sai oloi hamu ma angka parenta na hulehen tu hamu di ari sadari on, haholongi hamu ma Tuhan Debatamunu i jana oloi hamu ma Ia sian sandok rohamunu.

PANGARATAION 5:10

Tapi patuduhononku do holong ni rohangKu tu marribu-ribu halak, i ma na manghaholongi Au jana na mangoloi di parentangKu.

PANGARATAION 7:11

Jadi, angkon oloanmunu do sasude na dung diajarkon i tu hamu, oloi hamu ma sude aturan na Hulehen tu hamu di ari on.”

PANGARATAION 7:9

Ingot hamu ma! Sasada Tuhan Debatamunu i do Debata, jana Debata na setia do Ia. Tu angka na manghaholongi Ia jana na mangoloi angka parentaNia, patulusonNia ma janjiNa jana patuduhononNia ma holong ni rohaNia na manongtong i lopus tu sundut pasaribuhon.