PANGARATAION 6:7 - BIBEL JAMITA NA DENGGAN

⁷ Ajarkon hamu ma i tu angka dakdanakmunu. Hobar-hobari hamu ma i di bagasan bagasmunu dohot di ruar ni bagas, di na maradian dohot di na markarejo.

PANGARATAION 6:7 ပူးပေါင်းရင်းမြစ်များ

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

JOB 8:10

Tangihon ma da pandok ni halak na daulat najolo, na mangalehen sipodaon on tu ho,

MASMUR 119:13

Marsora na gogo giot pabotohononku sandok uhum na nilehenMu.

MASMUR 119:46

Baritahononku ma aturanMi tu angka raja, jana nada au gabe marhahaila.

MASMUR 129:8

Nada pola dokkonon ni halak pamolus, “Sai dipasupasu Tuhan ma nian ho, mangasahon goar ni Tuhan hami pasupasu ma ho.”

MASMUR 37:30

Halak na denggan pajojor hata na marimpola sai na tigor do hata na nidokna.

MASMUR 71:17

Diajari Ho do au ale Debata, mamungka sian haposoonku, lopus sadarion hupajojor do pambaenanMu na pahomang roha.

PODA 10:21

Hara ni hata ni halak na burju, bahat halak dipasupasu haotoon ni halak na bodo mangago dirina sandiri tutu.

PODA 15:2

Muda mangkobari halak na marbisuk, ruar ma angka parbinotoannia, tapi muda na bodo mangkobari, ruar ma habodoon sajo.

PODA 15:7

Halak na bisuk jana na marroha do pabidang habisuhon, nada halak na bodo jana na so marparbinotoan.

PODA 6:22

Muda mardalani ho dongannia do ho; muda modom ho, jagoannia do ho, jana muda ngot ho pangkulingannia do ho.

JESAYA 38:19

Hum jolma na mangolu do na mamuji Ho, songon na hupatupa sadari on. Dibaritahon na matobang tu dakdanakna sanga songon dia burju ni rohaMu.

MALEAKI 3:16

Jadi marsipandohonan ma angka halak na manghabiari Tuhan i na sada tu donganna. Dibege jana diparrohahon Tuhan do sanga aha na nihataan ni halahi i. Disuratkon do angka goar-goar ni na pasangapkon Tuhan dohot na mabiar mida Ia, di bagasan sada buku panyuratan na adong di joloNia.

MATEUS 12:35

Muda denggan sada-sada halak, na denggan muse do diparuar ia sian rohania na denggan i. Muda adong halak na jahat, laing na jahat muse do paruaronnia sian rohania na jahat i.

LUKAS 6:45

Sada halak na denggan sai pangalaho na denggan do ro sian i, i ma simpan-simpanan na adong di bagasan ate-ate na denggan. Tapi sada halak na jahat sai pangalaho na jat do ruar sian i, i ma simpan-simpanan na di bagasan ate-ate na jat i. Angke sanga aha na manggohi roha ni jolma di bagasan ate-atena, sai i do dipardokkoni.”

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.

EPESUS 6:4

Hamu angka dongan na dung mardakdanak! Ulang ma baen hamu na so patut tu dakdanakmunu anso ulang gabe muruk halahi. Tapi gumonan do ajari hamu halahi di aturan dohot pangajaran ni Tuhan.

PANGARATAION 11:19

Ajarkon ma i tu angka dakdanakmu. Sai hobar-hobari hamu ma i dompak di bagas hamu sanga pe di na mardalanan, dompak maradian hamu sanga di hatiha markarejo.

PANGARATAION 6:2

Salolot mangolu hamu dohot pomparanmunu sai habiari hamu ma Tuhan Debatamunu jana oloi hamu ma sude aturanNa na giot silehenonku tu hamu, anso ginjang umurmunu di tano i.

KOLOSSE 4:6

Sanga aha pe na nidokmunu sai na tabo begeon ma, jana sai hata na mardai ma dokkon hamu. Malo ma hamu sanga tarsongon dia sadengganna mangalusi angka sapa-sapa ni halak.

1 PETRUS 3:15

Tapi di bagasan rohamunu, parbadia i hamu ma Kristus songon Tuhan! Jana angkon singkop do hamu tongtong laho mangalusi sanga ise na manyapai hamu taringot tu pos ni rohamunu di angka na niarop ni rohamunu sian Tuhan.

RUT 2:12

Sai dibalos Tuhan ma hadenggananmi. Jana hara ni na dung ro ho marsilaung tu Tuhan, Debata ni Israel, sai dilehen Ia ma antong parlinggoman sagokgokna di ho!”

RUT 2:4

Nada sadia lolot, ro ma si Boas sian Betlehem laho manghoras-horasi angka parkarejo i. “Sai didongani Tuhan ma hamu,” ning ia. Dialusi angka parkarejonia i ma, “Sai dipasupasu Tuhan ma ho amang.”

RUT 4:11

Didok angka hatobangon dohot halak na deba nari i ma, “Olo, hami ma saksina. Sai dibaen Tuhan ma dadaborumi songon si Rahel dohot si Lea na manubuhon bahat anak di si Jakob. Sai gabe mamora ho nian di tonga-tonga ni angka halak na sian horong ni Marga Efrata jana gabe tarbonggal ho di Betlehem on.