PANGARATAION 6:6 - BIBEL JAMITA NA DENGGAN

⁶ Angka parenta na hulehen tu hamu sadari on, ulang jabat dihalupahon hamu i.

PANGARATAION 6:6 ပူးပေါင်းရင်းမြစ်များ

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

2 SAMUEL 22:23

Sude do uhumNia hudalankon parentaNia pe nada adong na huparnayangkon.

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

MASMUR 119:13

Marsora na gogo giot pabotohononku sandok uhum na nilehenMu.

MASMUR 119:30

Madung diputuskon rohangku laho mangoloi, sai huingot-ingot do parentaMi.

MASMUR 119:98

Umbisuk do au sian angka musungku angke sai huingot do parentaMu.

MASMUR 37:31

Momos do di bagasan rohania aturan na sian Debatana, nada manyimbil sian i ia.

MASMUR 40:8

Jop rohangku patuluskon hagiotMu, ale Debata, tarsimpan do pangajaranMu di bagasan rohangku.”

PODA 3:5

Haporsayai ma Tuhan sian sude rohamu, jana ulang pangasahon pangartianmu sandiri.

PODA 7:3

Sai paingot-ingot ma tongtong angka pangajaranki, jana simpan ma i di bagasan rohamu.

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

LUKAS 2:51

Dung i mulak ma Jesus rap dohot halahi tu Nasaret, mangoloi tu halahi. Sudena i disimpan inangNa i ma di bagasan rohania.

LUKAS 8:15

Same na madabu tu tano na napu i, i ma manggambarkon angka halak na umbege hata i, jana na manjagohon sadenggan-dengganna di bagasan roha ni halahi. Burju do halahi jana sobar, gabe tulus ma marbatuhon parbatu na denggan.”

2 KORINTUS 3:3

Idaon ni halahi sandiri do i paboa na songon surat ni Kristus hamu na nisuratkon markite-hite hami. Nada dohot tinta dibaen surat i, tapi dohot Tondi Parbadia na mangolu i do; nada di ginjang ni batu tulis muse, tapi di ate-ate ni jolma do.

PANGARATAION 11:18

Sai paingot-ingot hamu ma angka parentaNa i jana haholongi hamu. Tambatkon ma i di tanganmunu jana lilitkon di bohimu baen parningotan.

PANGARATAION 11:20

Suratkon ma i di tiang ni pintu ni bagasmu dohot di pintu ni horbanganmunu.

PANGARATAION 32:46

didok si Musa ma, “Jagohon hamu ma anso oloi hamu sude parenta na hulehen tu hamu sadari on. Ajarkon hamu ma i tu angka dakdanakmunu, anso dioloi halahi sude pangajaran ni Tuhan i di bagasan haburjuon.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

2 JOHANNES 1:2

Angke maringanan do jamita na sintong i na sian Debata di bagasan rohanta jana na sai tongtong rap dohot hita salolot-lolotna.