PANGARATAION 6:24 - BIBEL JAMITA NA DENGGAN

²⁴ Disuru Tuhan Debatanta do hita mangoloi angka aturan i, giotNia anso tapasangap Ia. Muda tabaen na songon i, gabe tongtong ma sarihononNia bangsonta anso tongtong sonang.

PANGARATAION 6:24 ပူးပေါင်းရင်းမြစ်များ

MASMUR 41:2

Ondihonon jana pareso-resoon ni Tuhan ma hosania; partuaan ni Tuhan ma ia di portibi on, jana nada pasahatonNia ia tu tangan ni musuna.

MASMUR 41:3

Tolongon ni Tuhan ma ia muda dompak marnyae, jana pasuangonNa hatorkisanna.

MASMUR 66:9

Dijagohon Ia do hami anso tongtong mangolu, jana nada dipadiar Ia hami dabu.

HARURUAR 20:20

Didok si Musa ma, “Ulang mabiar hamu, na giot mancubo rohamunu sajo do dibaen na ro Debata, anso tongtong mangoloi hamu tuSia jana ulang mardosa hamu.”

PODA 22:4

Halak na burju mangoloi Tuhan jana patoruk rohana, gabe martua, sangap jana sonang ngoluna.

PODA 9:12

Muda adong di ho habisuhon, ho sandiri do na maruntung. Tapi muda ho do na manulak habisuhon, ho muse do na marugi.

JESAYA 3:10

Dokkon ma martua halak na tigor! Harana panganan ni halahi ma suha ni parkarejoanna.

JEREMIA 32:39

LehenonKu ma tu halahi sada sajo tujuan ni ngoluna: i ma, pasangapkon Au salolot-lolotna; na patongon na denggan do i tu halahi sandiri, dohot tu pomparan ni halahi.

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

LUKAS 10:28

Didok Jesus ma, “Tutu do alusmi. Baen ma songon i, gabe mangolu ma ho.”

SURAT NI SI PAULUS TU PARLAGUTAN ROM 10:5

Disuratkon si Musa do taringot tu hatigoran na ro sian Tona i, “Halak na mangkarejohon Tona i, mangolu do markite-hite i.”

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PANGARATAION 4:4

hape anggo halak na tongtong setia tu Tuhan Debatamunu laing mangolu do lopus saonnari.

PANGARATAION 6:2

Salolot mangolu hamu dohot pomparanmunu sai habiari hamu ma Tuhan Debatamunu jana oloi hamu ma sude aturanNa na giot silehenonku tu hamu, anso ginjang umurmunu di tano i.

PANGARATAION 6:23

Dipalua Ia do hita sian Mesir laho maroban hita tuson jana mangalehen tano on tu hita songon na dung dijanjihonNia tu ompunta i.

PANGARATAION 8:1

“Sude aturan na Hulehen tu hamu sadari on, haburjuhon hamu ma mangoloi i, anso hot hamu mangolu, martamba bahat dohot maringanan di tano na nijanjihon ni Tuhan tu ompumunu.

PANGARATAION 8:3

Dipadiar Ia hamu tangkuraparon, dung i dilehen Ia tu hamu manna baen panganon, i ma sipanganon na so jungada hian dope dipangan hamu sanga ompumunu. Na mangajari hamu do umbaen dipatupa Tuhan songon i bahaso nada hum sian roti sajo jolma mangolu, tapi sian sude na nidok ni Tuhan.