PANGARATAION 6:1 - BIBEL JAMITA NA DENGGAN

¹ “Tuhan Debatamunu i do marsuru au mangajarkon sude aturan on tu hamu. Oloi hamu ma sudena i di tano na giot siingananmunu di na so pola lolot be.

PANGARATAION 6:1 ပူးပေါင်းရင်းမြစ်များ

HARURUAR 21:1

Jadi didok Tuhan ma tu si Musa, “Pasahat ma tu halak Israel angka aturan on:

HARURUAR 23:13

Tangihon hamu ma sanga aha na Hudok tu hamu, Au sandiri Tuhan na mandok tu hamu. Ulang martangiang hamu tu angka debata na asing, hum mandok goarna pe indangkon.”

JEHESKIEL 20:19

Hudok ma tu halahi: Au do Tuhan Debatamunu. Oloi hamu ma tona dohot parentangKu.

JEHESKIEL 37:24

Jadi naposongKu si Daud ma gabe rajana jana sada ma na marmahani halahi. Mangolu ma halahi di bagasan pangoloionna tu angka uhumKu dohot mangkarejohon sude angka tonangKu.

HAMALIMON 27:34

I ma angka parenta na nilehen ni Tuhan di ginjang ni Dolok Sinai tu halak Israel marhite si Musa.

BILANGAN 36:13

On ma angka aturan dohot hatontuan na nilehen ni Tuhan tu halak Israel marhite si Musa dompak maradian halak Israel di tano na hornop na di Moab mardonokkon Batang aek Jordan paadop-adop dohot Jeriko.

PANGARATAION 12:1

“Angka on ma aturan na angkon sioloanmunu salolot mangolu hamu di tano na giot silehenon ni Tuhan di hamu, i ma Debata na nisomba ni ompumunu. Parate-atehon hamu ma angka aturan i!

PANGARATAION 3:18

Laing huparentahon do di hatiha i tu halahi: ‘Madung dipasahat Tuhan Debatanta i tu hamu tano na di Habincaran ni Batang aek Jordan baen siinganan. Saonnari, pasingkop hamu ma sinjata ni angka tentaramunu jana suru hamu ma halahi manaripari Batang aek Jordan manjoloi angka marga ni Israel na asing i, laho mangurupi halahi mambuat tano i.

PANGARATAION 33:3

Dihaholongi Tuhan do bangsoNa dijagohon Ia do nampunaNia. Manungkap ma hita di jolo ni patNia mangoloi angka parentaNa.

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PANGARATAION 4:14

Disuru Tuhan do au mangajarkon sude aturan sioloanmunu di tano na giot masuhan dohot siingananmunu i.”

PANGARATAION 4:45

Dilehen ia angka aturan tu halahi dung haruar halahi sian Mesir,

PANGARATAION 4:5

Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.

PANGARATAION 5:31

Tapi anggo ho, Musa, dison ma ho rap dohot Au, lehenonKu ma tu ho sude aturan dohot parentangKu. Angkon ajarkononmu do i tu bangso i anso dioloi halahi i di tano na giot silehenonKu tu halahi.’

PANGARATAION 5:33

Oloi hamu ma i sudena, anso sonang hamu jana tarbaen tongtong mangingani tano na giot siingananmunu i.”

PANGARATAION 6:2

Salolot mangolu hamu dohot pomparanmunu sai habiari hamu ma Tuhan Debatamunu jana oloi hamu ma sude aturanNa na giot silehenonku tu hamu, anso ginjang umurmunu di tano i.