PANGARATAION 5:14 - BIBEL JAMITA NA DENGGAN

¹⁴ tapi ari papituhon, i ma Ari Sabat ni Tuhan Debatamu. Nada jadi mangkarejohon nasa karejo di na sadari i – bope ho, bope anakmu, bope borumu, bope naposomu halaklahi, bope naposomu dadaboru, bope lombumu, bope halodemu, sanga halak na mardagang di hutamu. Angka naposomu pe angkon maradian do laing songon ho sandiri.

PANGARATAION 5:14 ပူးပေါင်းရင်းမြစ်များ

PAMUNGKAAN 2:2

Di ari papituhon, dipasidung Debata ma karejoNia, lalu maradian ma Ia.

NEHEMIA 13:15

Huida ma di hatiha i sanga na piga-piga halak di Juda na mamoro anggur di Ari Sabat. Adong muse deba nari na marmuat gandum, anggur, batu ni anggur, batu ni ara dohot barang-barang na asing di ginjang ni halode jana dioban tu Jerusalem. Hularang antong halahi marjagal di Jerusalem.

NEHEMIA 13:16

Adong halak na sian Tirus na maringanan di Jerusalem maroban harasak dohot barang sigadison marragam-ragam tu Jerusalem di Ari Sabat, sigadison tu rayat i.

NEHEMIA 13:21

Hudok do tu halahi, “Parcuma do hamu paintehon disi lopus manyogot. Awas, muda laing dibaen hamu dope songon i sanoli nari, koras noma baenonku!” Mamungka sian i nada unjung be halahi ro di Ari Sabat.

NEHEMIA 5:5

Nada he laing halak Jahudi hami? Nada he dos dakdanaknami dohot angka dakdanak Jahudi na asing i? Haru songon i pe tarpaksa hami padiar angka dakdanaknami i gabe hatoban. Adong dope tehe sian angka borunami na gabe hatoban sigadison. Nada adong be gogonami harana ladang dohot kobun anggurnami madung hami gadehon.”

HARURUAR 23:12

Angkon markarejo hamu onom ari di bagasan saminggu, tapi ulang hamu karejo anggo di ari papituhon, anso tarbaen angka hatobanmunu dohot halak na asing na markarejo di hamu bope angka pahan-pahananmunu maradian.

HAMALIMON 23:3

Sanga di dia sajo pe hamu maringanan angkon sumurung Ari Sabat i baenonmunu di Au. Onom ari honokna hamu markarejo tapi ingot ma, ari papituhon, Ari Sabat ari paradianan do i. Nada tola markarejo di ari i, hum marpungu do laho pasangap Au.

MARKUS 2:27

Didok Jesus dope muse, “Dibaen pe Ari Sabat i, na porlu di jolma do i. Nada jolma i dibaen porlu di Ari Sabat.

LUKAS 23:56

Dung i mulak ma halahi, dipature halahi ma angka parmasak dohot miak na huskus silapuhonon tu bangke ni Jesus. Ancogotna i, di Ari Sabat, maradian be ma halahi markarejo mangoloi angka Tona ni ugamo Jahudi.

PANGARATAION 5:13

Onom ari ma lolotmu mangkarejohon sude karejomu,

IBRANI 4:4

Harana anggo taringot tu ari papituhon, adong do tarsurat di Buku Na Badia i songon on, “Maradian do Debata di ari papituhon i sian sude parkarejoanNia.”