PANGARATAION 4:40 - BIBEL JAMITA NA DENGGAN

⁴⁰ Oloi hamu ma sandok aturan na hulehen tu hamu sadari on, jadi gabe horas ma hamu dohot pomparanmunu. Sai torus ma hamu mangolu di tano na nilehen ni Tuhan na gabe hamu puna salolot-lolotna.”

PANGARATAION 4:40 ပူးပေါင်းရင်းမြစ်များ

MASMUR 105:45

anso oloan ni halahi angka uhumNia jana ihutkononna parentaNia. Puji ma Tuhan!

HARURUAR 20:12

Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

HARURUAR 23:26

Nada adong dadaboru na haambungan sanga na so maruntungan di luat ingananmunu. Hupaginjang pe umurmunu.

PARJAMITA 8:12

Haru pe dibaen sada pardosa saratus hajahatan, laing totop do ia mangolu jana umurna ginjang. Ninna, sanga ise na mangoloi Debata, mur maradu mura do ngoluna.

JESAYA 65:20

Nada adong be dakdanak na mate dompak menek, jana halak na magodang sayur matua bulung, halak na mate marumur saratus taon laing etongon dope na poso, jana na mate painte so marumur saratus taon etongon do i na hona uhum.

JEREMIA 11:4

Na dung Hubaen do parjanjianKi dohot angka ompu ni halahi di na Huoban halahi ruar sian Mesir, i ma luat na tudos tu narako di halahi. Husuru halahi marpangoloion tu Au dohot patuluskon sandok na Huparentahon tu halahi. Laing Hudok muse do, muda marpangoloion halahi tu Au, halahi ma gabe bangsongKu jana Au Debata ni halahi.

JEREMIA 35:18

Dung i hudok ma tu angka halak na sian horong ni si Rekhab bahaso na nidok ni Tuhan Na Markuaso i, Debata ni Israel songon on, “Madung dioloi hamu ompumunu si Jonadab; sude parentania dioloi jana didalankon hamu do.

JEREMIA 7:23

Anggo na Huparentahon tu halahi, hum pangoloion tu Au do anso Au gabe Debata ni halahi, jana halahi gabe bangsongKu. Husuru halahi anso mangolu mangihutkon angka na Huparentahon anso martua halahi.

JEREMIA 7:7

Muda songon i, ra ma Au maringanan rap dohot hamu di inganan on, di tano na Hulehen tu ompungmunu sian na jolo lopus tu salolot-lolotna, luat na dung Hulehen gabe tano pusako di ompungmunu.

HAMALIMON 22:31

Didok Tuhan i, “Patulus hamu ma angka parentangKu; Au do Tuhan.

BILANGAN 10:29

Dung i didokkon si Musa ma tu tungganenia si Hobab, anak ni si Rehuel halak Midian, “Kehe ma hami saonnari, tu inganan na nidok ni Tuhan i giot lehenonNa di hami. Madung dijanjihon Tuhan i, giot baenonNia halak Israel gabe bangso na makmur. Antong ihutkon ma hami, hami bagi pe di ho deba hamakmurannami i.”

JOHANNES 14:15

“Muda holong rohamunu tu Au, dalankononmunu do angka na Huparentahon.

EPESUS 6:3

songon na nidok on, “Anso martua ho jana ginjang umurmu di tano on.”

PANGARATAION 11:9

Jana lolot muse ma hamu mangolu di tano na mora boti na napu i na dung dijanjihon Tuhan tu ompumunu dohot tu pomparan ni halahi.

PANGARATAION 12:25

Muda dioloi hamu parenta i, sonang ma roha ni Tuhan jana sonang ma hamu dohot pomparanmunu.

PANGARATAION 12:28

Muda dihaburjuhon hamu ma patuluskon sudena i na dung huparentahon tu hamu, gabe na patulus na denggan ma hamu na tumbuk di Tuhan Debatamunu, jana gabe sonang ma hamu rap dohot pomparanmunu ro di salolot-lolotna.”

PANGARATAION 22:7

Anggo anakna i tola do buatonmunu, tapi anggo indukna i padiar ma habang, anso ginjang umurmunu jana sonang ngolumunu.

PANGARATAION 25:15

Timbangan dohot parsuhatan na pas ma pake hamu anso ginjang umurmunu di tano na giot silehenon ni Tuhan Debatamunu di hamu.

PANGARATAION 32:47

Nada hata na rumar angka pangajaran on, tapi hangoluan do. Oloi hamu ma sude pangajaran i, anso ginjang umurmunu di tano na so sadia lolot nari be buatonmunu, di bariba ni Batang aek Jordan i.”

PANGARATAION 33:25

Angka hutana pe dijagoi pintu bosi anso mangolu ia di bagasan dame humani.”

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PANGARATAION 4:2

Sandok na huparentahon i, ulang tambai sanga urahi hamu saotik pe. Oloi hamu ma angka parenta ni Tuhan Debatamunu na hulehen i tu hamu.

PANGARATAION 4:5

Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.

PANGARATAION 4:6

Patutna ma nian setia hamu patuluskon sude aturan i. Muda dibaen hamu songon i, nalnal ma abisuhonmunu maradopkon angka bangso na asing i. Muda dibege halahi taringot tu angka aturan i, dokkonon ni halahi ma, ‘Na bisuk jana na pistar ma da antong bangso na godang on!’

PANGARATAION 5:10

Tapi patuduhononku do holong ni rohangKu tu marribu-ribu halak, i ma na manghaholongi Au jana na mangoloi di parentangKu.

PANGARATAION 5:16

Pasangap ma amangmu dohot inangmu; songon na diparentahon ni Tuhan Debatamu, anso sonang jana ginjang umurmunu di tano na nilehen ni Tuhan Debatamu di ho.

PANGARATAION 5:29

Sugari nian sai songon i ma pangkilalaan ni halahi! Sugari sai tongtong halahi nian mabiar tu Au jana dioloi sude na Huparentahon, gabe sonang do halahi dohot pomparan ni halahi salolot-lolotna.

PANGARATAION 5:33

Oloi hamu ma i sudena, anso sonang hamu jana tarbaen tongtong mangingani tano na giot siingananmunu i.”

PANGARATAION 6:18

Sanga aha na denggan dohot na tutu di Tuhan, i ma baen, jadi gabe sonang ma ho. Gabe hamu ma nampuna tano napu na dung dijanjihon Tuhan tu ompu na umpompar ho,

PANGARATAION 6:3

Hamu angka dongan sabangso, parrohahon hamu ma angka aturan i jana oloi hamu ma i, anso sonang hamu jana gabe bangso na godang di tano na mora boti na napu i, laing songon na dung dijanjihon Tuhan Debata ni ompunta i.

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.