PANGARATAION 4:34 - BIBEL JAMITA NA DENGGAN

³⁴ Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

PANGARATAION 4:34 ပူးပေါင်းရင်းမြစ်များ

MASMUR 136:12

marhite tangan na gogo jana na marsahala, hot do holong ni rohaNia sapanjangna.

MASMUR 24:8

Ise he Raja Na Marmulia i? I ma Tuhan na sun gogo; Tuhan na gok kuaso, na so jungada talu di parporangan.

MASMUR 78:12

Di jolo ni angka ompu ni halahi, dibaen Debata hahomangan di Luat Mesir, di napa Zoan.

HARURUAR 1:9

Didok ia ma tu rayatnia i, “Na gabe parmaraan do halak Israel on di hita, hara ni bahat ni halahi boti gogona.

HARURUAR 10:21

Didokkon Tuhan ma tu si Musa, “Angkat ma tanganmu tu langit, gabe golap bulita ma tano Mesir.”

HARURUAR 10:7

Dung i didokkon angka menteri i ma tu raja i, “Sadia honok nari sai arsahan ni halahon hita? Paloas ma halak Israel i kehe, anso maribadat halahi tu Tuhan Debata ni halahi. Nada he diida raja i sude tano Mesir madung sego?”

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 14:30

Di ari i ma dipalua Tuhan bangso Israel sian halak Mesir, jana diida halak Israel do angka bangke ni halak Mesir i marpayahan di topi ni laut i.

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

HARURUAR 19:4

“Madung diida hamu sanga aha Na Hubaen, Au Tuhan mambaensa maradopkon halak Mesir, jana sanga songon dia Hubaen maroban hamu tu Au di inganan on mardongan kuaso na godang songon unggas rajawali na maroban anakna di ginjang ni habongna.

HARURUAR 3:10

Saonnari Husuru ho anso kehe mangadop tu raja ni Mesir, anso bolas ho manguluhon bangsongKi haruar sian luat i.”

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

HARURUAR 7:3

Tapi mur patangkangonKu do roha ni raja i. Nada tangihononnia hatamu, hara ni i bahat ma Hupamasa hahomangan di Mesir.

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

JEREMIA 21:5

Au sandiri giot mamorangi hamu sagogongKu jana mardongan gilap ni murukKu.

JEREMIA 32:21

Marhite kuaso dohot hagogoanMu na godang i diparuar Ho halak Israel sian Mesir. Dipatupa Ho do angka tanda dohot hahomangan maradu angka pangalaho na masa na mambaen musu tarsonggot.

BILANGAN 20:16

gabe pio-pio hami tu Tuhan mangido pangurupion. Ditangihon Tuhan do pangidoannami gabe disuru Ia sahalak surusuruan. Surusuruan i do maroban hami haruar sian tano Mesir. Saonnari maradian di Kades do hami, i ma sada kota di parbandaran ni tano ni raja i.

PANGARATAION 1:30

Tuhan Debatamunu do mamimpin hamu dohot marporang humopkop hamu songon na dung niidamunu sandiri di Mesir

PANGARATAION 10:21

Puji ma Ia – Ia do Debatamunu. Diida matamunu sandiri do angka pambaenan na godang jana hahomangan na nibaenNia hara ni hamu.

PANGARATAION 11:2

Saonnari ingot hamu ma sanga aha na binotomunu taringot tu Tuhan sian pangalamanmunu. Anggo angka dakdanakmunu nada dialami halahi dope i. Hamu do na dung marnida hagodangan ni Tuhan, hagogoonNia, kuasoNia,

PANGARATAION 26:8

Mardongan kuaso dohot hagogoonNia na sumurung i, dipalua Ia do hami sian Mesir. Dipatupa Ia angka tanda dohot hahomangan, jana dipamasa Ia angka na jorbut.

PANGARATAION 29:3

Madung diida hamu muse angka parmaraan na jorbut, angka tanda hahomangan dohot na so tarastui roha na nibaen ni Tuhan.

PANGARATAION 33:29

O Israel, na godang ma antong tuamu, nada adong bangso na dipalua songon bangsomu. Tuhan i sandiri do parince dohot podangmu, mambela dohot mangalehen hamonanganmu. Marroan ma musumu mangido ibo ni roha, dege-degeonmu ma halahi sudena di dolok-dolok ni halahi.”

PANGARATAION 34:12

Nada adong jungada panurirang na asing na patupahon angka pambaenan songon na nibaen ni si Musa i godangna dohot jorbutna di adopan ni sude bangso Israel.

PANGARATAION 5:15

Ingot ma, na diparhatoban do ho di Mesir jana Au do Tuhan Debatamu na dung paluahon ho mardongan hagogoon na godang. Hara ni i ma umbaen na Huparentahon tu ho laho manghagodangkon Ari Sabat i.

PANGARATAION 6:21

Jadi angkon alusanmu ma songon on, ‘Na jolo gabe hatoban ni halak Mesir do hita, dung i dipalua Tuhan ma hita mardongan hagogoon na godang.

PANGARATAION 7:19

Ingot hamu ma angka parmaraan godang na niidamunu sandiri, angka tanda na pahomang roha, dohot hagogoan godang na nipake ni Tuhan Debatamunu laho paluahon hamu. Sude bangso na nihabiaranmunu abiskononNa do i songon pangabiskonNa di halak Mesir.

PANGARATAION 9:29

Tapi ingot ma, ale Tuhan, bangso na nitodoMu do halahi, jana na dung niobanMu sian Mesir mardongan gogo dohot kuaso na godang.’ ”

JOSUA 24:7

pio-pio ma halahi tu au mangido tolong. Jadi gabe manggolap Hubaen inganan antara ni halahi dohot angka halak Mesir i, jana Huparo aek ni laut mangalingkup angka halak Mesir i lopus bonom halahi sudena. Pendekna, sanga aha na Hubaen maradopkon Mesir, sudena i diboto hamu do. Dung i honok sajo ma hamu maringanan di parhorsihan.

1 PETRUS 5:6

Hara ni i paserep hamu ma rohamunu di bagasan kuaso ni Debata, anso dipagincat Ia hamu muda dung dapot di hatihana.