PANGARATAION 4:33 - BIBEL JAMITA NA DENGGAN

³³ Unjung ma he adong sada bangso na hot mangolu dung dibege sada debata mangkuling tu halahi sian api, songon na nialamanmunu i?

PANGARATAION 4:33 ပူးပေါင်းရင်းမြစ်များ

HARURUAR 20:22

Diparentahon Tuhan ma tu si Musa anso dipaboa ia tu bangso Israel, “Madung diida hamu sanga songon dia, Au Tuhan, Au na mandok hata tu hamu sian banua ginjang.

HARURUAR 24:11

Nada mate dibaen Debata angka pamimpin ni halak Israel i haru pe na dung diida halahi Debata. Dung i rap mangan ma halahi jana rap minum.

HARURUAR 33:20

Laing didok Ia dope, “Anggo bohingKu nada Hupatola ligionmu, angke nada adong na tarbaen mangolu sanga ise na marnida bohingKu.

PANGARATAION 4:36

Sian langit, dipatubegehon Ia do soraNia tu hamu laho mangajari hamu; di tano on, madung dipatidahon Ia tu hamu apiNia na badia, jana sian api i pe mangkobari do Ia tu hamu.

PANGARATAION 5:22

I ma angka parenta na nilehen ni Tuhan tu bangso na marlagut di dolok i. Di na mangkuling Ia mardongan sora na mangaronggur sian api dohot ombun dohot hagolapan i, disi ma Dilehen Ia angka parenta on, jana nada adong na asing Dilehen Ia. Lalu disuratkon Ia muse ma i di batu siduangkoping jana Dilehen Ia ma i tu au.”

PANGARATAION 5:24

Didok halahi, ‘Dipatuduhon Tuhan Debatanta i do hagodangan dohot hamuliaanNa di na hami bege Ia mangkuling sian api i! Madung hami saksihon di ari sadari on, na bolas do di sada-sada halak laing hot tongtong mangolu, haru pe na dung mangkuling Debata tusia.

PANGARATAION 5:26

Adong ma he jungada halak na laing mangolu songon hami dung dibegesa Debata na mangolu i mangkuling sian api?

PANGARATAION 5:4

Mangkobari do Tuhan di ginjang ni dolok i sian api paadop-adop dohot hamu.

PANGARATAION 9:10

Dung i dilehen Tuhan ma tu au batu na dua i na nisurat ni Tuhan sandiri dohot hata na nipajojorNia sian tonga-tonga ni api i tu hamu, di na marlagut hamu di pat ni dolok i.

HAKIM-HAKIM 6:22

Mamoto ma si Gideon, bahaso Surusuruan Ni Tuhan sandiri do hape na ro i mandapotkon ia. Jadi mardongan biar didok si Gideon ma, “Marjaya ma au, ale Tuhan Na Humincat! Dibaen madung maradopan bohi au dohot SurusuruanMu!”