PANGARATAION 4:29 - BIBEL JAMITA NA DENGGAN

²⁹ Jalahanmunu ma disi Tuhan Debatamunu, jana muda sian sandok roha dohot tondimunu hamu manjalahi Ia, dumpang hamu ma Ia.

PANGARATAION 4:29 ပူးပေါင်းရင်းမြစ်များ

2 RAJA-RAJA 23:3

Dung i dibaen raja i ma parjanjian dohot Tuhan anso burju mangoloi tuSia dohot mandalankon sian sandok roha dohot sandok ate-ate sude parenta dohot angka tonaNia jana gohanna ma aturan ni parjanjian ni Tuhan dohot bangsoNa na tarsurat di bagasan buku i. Dohot do sude rayat marjanji anso burju mangoloi parjanjian i.

2 JUJUR TAON 15:12

Marjanji do halahi tu Tuhan bahaso na giot oloan ni halahi ma Tuhan, Debata ni ompu ni halahi, sian sasude roha dohot tondi ni halahi.

2 JUJUR TAON 15:15

Marjop ni roha do sandok rayat Juda, angke madung marsumpa halahi sian nasa roha. Sonang ma roha ni halahi mulak tu Tuhan, jana Tuhan pe lomo ma rohana manjagit halahi. Dilehen ia ma tu halahi hasonangan di luat ni halahi.

2 JUJUR TAON 15:2

jadi gabe kehe ma ia mandapotkon Raja Asa, jana didok ia ma, “Ale Raja Asa, dohot sude halak na maringanan di Juda dohot Benyamin! Tangihon ma! Donok do Tuhan tu hamu muda donok hamu tuSia. Muda mangido panogu-noguon hamu tuSia, lehenonNia ma i. Tapi muda nada parduli hamu diSia, Ia pe nada parduli di hamu.

2 JUJUR TAON 15:4

Hape dompak di bagasan hasusaan halahi, ro ma halahi mandapotkon Tuhan, Debata ni Israel. Mangido panogu-noguon ma halahi, jana Dilehen do antong.

2 JUJUR TAON 31:21

Marhasil do ia hara ni sude na nibaennia tu Bagas Ni Debata sanga na nibaennia laho mangoloi Tona Ni Tuhan, dibaen ia do sian situtu ni rohania hara ni holong ni rohania tu Tuhan Debatania.

NEHEMIA 1:9

Tapi muda mulak hami mangulahi tu Ho jana hami oloi parentaMu, jadi palagutonMu ma hami mangulahi na dung dipaserakMi haru pe hami di angka ujung ni portibi on. Dung i paulahonMu ma hami tu inganan na dung ditodoMi gabe inganan maribadat tu Ho.

NEHEMIA 9:27

Jadi gabe dipasahat Ho ma halahi tu musuna. Na mangarajai dohot mamisat halahi dohot hakejamonna. Tapi di na nidondonan ni hasusaan i, pio-pio ma halahi tu Ho mangido pangurupi. Sian banua ginjang Ho manangihonsa; mardongan holong ni roha na gok dilehen Ho alusna. Ditongos Ho pamimpin dohot na barani, na paluahon halahi sian na mamusui.

MASMUR 119:10

Sian sandok rohangku huusahahon do laho mananda Ho, ulang padiar au manyimbil sian parentaMu.

MASMUR 119:145

Pio-pio do au tu Ho sian sude rohangku, alusi ma au ale Tuhan, oloanku do parentaMu.

MASMUR 119:2

Martua ma halak na mangihutkon parentaNia, jana na manggogo sian sandok rohana mananda Tuhan.

MASMUR 119:58

Mangido au sian sandok rohangku; domu tu janjiMu, rade ma au uhumanMu.

JEREMIA 3:10

Dung dipambaeni sudena i, dipaula-ula Juda na so setia i ma mulak tu Au, tapi nada sian bagasan rohania na giot mulak i. Au, Tuhan, madung mandok songon i.”

JEREMIA 51:50

Didok Tuhan ma tu halak Israel di Babel, “Madung malua hamu sian pamunuon! Jadi, kehe ma hamu saonnari! Ulang be painte hamu! Haru pe dao hamu sian bagas, ingot hamu tu Au Tuhanmunu dohot tu Jerusalem.

JEHESKIEL 6:9

Disi, di tonga-tonga ni angka bangso, tu dia halahi na tartaban i dioban, angka halak na malua sian tonga-tongamunu angkon mangingot Au. PaulakonKu do muse roha ni halahi na markarosuan i, na dung mandao sian Au jana manundali halahi, na tongtong markarosuan mangihutkon gana-ganaan ni halahi, dung i gabe goyak ma roha ni halahi mida dirina sandiri hara ni sude hajahatan dohot hajorbutan ni halahi.

JOEL 2:12

Didok Tuhan ma, “Tapi anggo saonnari, sian sandok roha mulak ma tu Au mangulahi, lalu puaso, tangis jana marsak.

AMOS 5:4

Didok Tuhan ma tu halak Israel, “Mulak ma hamu tu Au, anso gabe mangolu hamu.

PANGARATAION 10:12

“Saonnari hamu ale angka dongan sabangso, parate-atehon hamu ma na nituntut ni Tuhan Debatamunu sian hamu: Maribadat tu Tuhan ma hamu jana patulus hamu sandok na niparentahonNia. Haholongi hamu ma Ia, sian sandok rohamunu dohot tondimunu ma oloi hamu Ia,

PANGARATAION 11:13

Antong muda songon i, sai oloi hamu ma angka parenta na hulehen tu hamu di ari sadari on, haholongi hamu ma Tuhan Debatamunu i jana oloi hamu ma Ia sian sandok rohamunu.

PANGARATAION 26:16

“Sadari on diparentahon Tuhan Debatamunu do hamu laho mangoloi sude parentana on: Oloi hamu ma sudena i sian sandok rohamunu dohot sian sandok tondimunu.

PANGARATAION 30:10

Tapi angkon oloanmunu do Ia jana oloanmunu sude uhumNia na tarsurat di bagasan buku on, buku pangajaran ni Tuhan. Angkon mulak do hamu tuSia sian sandok rohamunu.

PANGARATAION 6:5

Haholongi ma Tuhan Debatamu sian sude rohamu, sian sude tondimu dohot sian sude gogomu.

JOSUA 22:5

Jana ingot hamu ma! Sipatulusonmunu do uhum na nisuru ni si Musa oloanmunu, i ma: Haholongi ma Tuhan Debatamu, ihutkon ma giotNia, oloi ma angka parentaNa, setia ma ho, jana unduk ma ho mangoloi sian sude rohamu dohot sude tondimu.”

1 SAMUEL 7:3

Dung i didok si Samuel ma tu halak Israel, “Muda na giot marbalik ma hamu tu Tuhan jana marsomba tuSia sian sandok rohamunu, angkon ambungkononmunu do sude debata na asing dohot patung ni Dewi Astoret i. Pasahat hamu dirimunu sude tu Tuhan jana hum tuSia sajo ma hamu marsomba, jadi gabe paluaonNa ma hamu sian halak Pilistin.”