PANGARATAION 4:26 - BIBEL JAMITA NA DENGGAN

²⁶ Langit dohot tano ma na gabe saksimunu sadari on, muda ampot nada marpangoloion hamu tu na hudok i, manigor mago ma hamu sian tano na giot siingananmunu na di ipar ni Batang aek Jordan i. Nada pola honok hamu tinggal disi, tapi roncohononkon do sudena.

PANGARATAION 4:26 ပူးပေါင်းရင်းမြစ်များ

PAMUNGKAAN 19:13

harana abiskononnami ma kota on. Madung ditangihon Tuhan angka tuhas-tuhas na dokdok maradopkon halak na dison, jana na diutusNia do hami laho mangabiskon kota Sodom on.”

1 RAJA-RAJA 9:7

gabe paruaronKu ma bangsongKu Israel sian luat na dung Hulehen di halahi. Au pe tinggalkononKu ma bagas parsombaan na dung Hudokkon gabe inganan na dung mardohonan laho marsomba tu Au. Sanga didia pe halak Israel angkon dilayasi jana dipartatai halak.

JESAYA 1:2

Didok Tuhan ma, “O, langit dohot tano tangihon ma na Hudok! Angka dakdanak na Hupature-ture mangalo do tu Au.

JESAYA 6:11

Marsapa ma au, “Sadia honok ma na songon on ale Tuhan?” AlusNia, “Lopus gabe tinggal sego-segona sajo angka kota jana mamolngit, lopus nada diingani be angka bagas, lopus rumar tano i jana nada tubuan sanga aha.

JEREMIA 16:13

Hara ni i, paorotonKu noma hamu sian luat on jana buangonKu tu sada luat na asing situtu di hamu dohot di ompumunu. Anggo disi arian na borngin mangoloi tu angka debata na leban noma hamu, jana nada maribo ni roha be Au mida hamu.’ ”

JEREMIA 2:12

Jadi hara ni i, ale langit humutur ma ho! Homang jana humitir ma ho!

JEREMIA 22:29

O ale luatku, tangihon ma sanga aha na nidok ni Tuhan,

JEREMIA 32:24

Madung dipajongjong halak Babel angka tembok humaliang ni kota on laho manghobuk dohot mangarampassa jana saonnari mangaroro ma halahi. Parporangan, tangkuraparon dohot nyae masa ma mambaen madabu kota on tu tangan ni halahi. Diida Ho do tulus sude sandok na nidokkonMu.

JEREMIA 44:22

Nada tahan be Tuhan paida-ida pangalaho dohot pambaenanmunu na jahat i; hara ni i do umbahen na gabe lobu tanomunu, nada adong na mangingani lopus sadari on.

JEREMIA 6:19

Parrohahon ma ale portibi! Nada ra bangsongKu manjagit pangajaranKu jana nada mangoloi tu Au. Hara ni angka tahi ni halahi, Huparo ma parmaraan tu halahi.

JEHESKIEL 33:28

BaenonKu ma luat i gabe padang halongonan na lungun, jana marujung ma kuaso na sai dipangasahon ni halahi. Gabe gasgas hatubuan ni duri ma angka dolok na di Israel, gabe nada adong be halak tarbaen mamolussa.

JEHESKIEL 36:4

Hara ni i, ale angka dolok ni Israel, tangihon ma hata ni Tuhan Debata tu angka dolok dohot tor, tu angka batang aek dohot rura, tu angka inganan na dung sego jana na mamolngit dohot tu angka kota na dung tarulang, na dung gabe siincahan ni angka bangso na humaliangna;

HAMALIMON 18:28

anso ulang diuhum Tuhan i hamu jana ulang dipakehe songon halak parbegu na mangingani luat i taran so masuk hamu.

MIKA 1:2

Tangihon hamu ma, ale angka bangso! Parrohahon ma, ale angka na mangingani tano! Masuk do Tuhan Debata tu paruhuman gabe saksi mangalo hamu sudena! Tangihon ma Ia mandok hata sian bagasNia Na Badia i.

MIKA 6:2

Ale angka dolok, ale angka jongjongan ni tano, tangihon bo pangaduan ni Tuhan! Adong parkaroNia dohot Israel bangsoNa i jana giot tuntutonNia halahi.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

PANGARATAION 11:17

Muda dilanggar hamu parenta i, hona muruk ni Tuhan ma hamu. Nada paroonNia udan; mahiang ma tanomunu maradu marigang lopus nada marsuha suan-suanan. Jadi di bagasan hatiha na pendek mate ma hamu disi, haru pe nian tano na napu do na nilehenNa i di hamu.

PANGARATAION 28:20

Muda mambaen jahat ho jana manulak hamu di Tuhan, paroonNia ma parmaraan, hagaoron dohot hamaolon di sasude na nibaenmunu, jadi gabe abiskononna ma ho di hatiha na pendek sajo.

PANGARATAION 28:22

Uhumon ni Tuhan ma ho dohot ragam ni nyae na posi, tbc, milas, radang. ParoonNia ma logo ni ari dohot alogo na mangombuskon lopus sego suha ni ladangmunu. Sai marpupu ro do bala on taononmunu lopus mate hamu sude.

PANGARATAION 28:45

Ampe tu ho ma sude bura on, jana torus ma i marroan tu ho lopus abis ho, hara ni na so mangoloi ho tu Tuhan Debatamunu jana nada dipatulus ho sude uhum na nilehenNia i tu ho.

PANGARATAION 28:61

Laing paroon ni Tuhan muse ma ragam ni nyae dohot bala na so disuratkon di buku on, di buku ni uhum sude, lopus dipamate Ia hamu sude.

PANGARATAION 29:28

Ma pola marsijongjong rimas ni Tuhan maradopkon bangsoNia i, jana di bagasan rimasNia na jorbut i, diumpat Ia ma bangso Israel sian tano ni halahi i lalu diambungkon halahi tu tano sileban, jana disi ma halahi saonnari maringanan.’

PANGARATAION 31:28

Antong, suru hamu ma marlagut sude pamimpin ni marga dohot angka ulubalang di jolongku, anso hupalalu angka pangalaho on tu halahi. Langit dohot tano ma hupiohon gabe saksina maradopkon halahi.

PANGARATAION 32:1

“Tangihon, o langit, giot mangkuling au, o tano, patinggil ma pinggolmu!

PANGARATAION 7:4

anso ulang dipadao halahi angka dakdanakmu sian Tuhan laho marsomba tu angka debata na asing. Muruk do Tuhan tu hamu muda marsomba ho tu angka debata na asing jana manigor do pusaonNia ho.

PANGARATAION 8:19

Jago ma hamu! Ulang lupa hamu tu Tuhan Debatamunu, sanga marbalik tu angka debata na asing laho mamele dohot mangoloi tusi. Muda dibaen hamu na songon i, Hupaingot ma hamu sadari on pasti pusaon ni Tuhan hamu.

PANGARATAION 8:20

Muda nada marpangoloion hamu tu Tuhan, hamu pe laing hona pusa muse do songon angka bangso na giot abiskononNia di jolo ni matamunu.”

JOSUA 23:16

Muda dilanggar hamu pudun-pudun ni parjanjian antara ni Tuhan dohot hamu, gabe kehe hamu mangoloi dohot marsomba tu angka debata na asing, gabe muruk ma Tuhan jana hona uhumanNa ma hamu. Jana nada jabat sadia honok nari dung i, nada adong be umpe sahalak na tinggal sian hamu di tano na denggan on, na nilehen ni Tuhan di hamu.”