PANGARATAION 4:25 - BIBEL JAMITA NA DENGGAN

²⁵ Muda dung honok hamu sanoli on maringanan di luat i, jana madung maranak marpahompu, ulang muse mardosa hamu hara ni na mambaen di dirimunu patung ni bagi aha sajo pe. Hajahatan do pangalaho na songon i di adopan ni Tuhan, jana na mambaen bonsir gabe muruk Ia.

PANGARATAION 4:25 ပူးပေါင်းရင်းမြစ်များ

2 RAJA-RAJA 21:2

Mardosa do si Manase tu Tuhan hara ni na niihutkonnia angka hasomalan na jahat sian angka bangso na nipaorot ni Tuhan sian Kanaan di na laho masuk halak Israel tu luat i.

MASMUR 78:58

Marhite angka patung dohot inganan parsombaan ni gana-ganaan, mangiburu jana tarrimas Ia dibaensa.

HARURUAR 20:4

Ulang baen di ho patung na manyarupai sanga aha pe na adong di langit di ginjang sanga na adong di tano on bope na adong di aek na di toru ni tano.

HARURUAR 32:7

Didok Tuhan ma tu si Musa, “Kehe ma ho manuat, harana ma gabe marrorang bangsomi na niobanmu ruar sian Mesir.

JEHESKIEL 8:10

Masuk ma au antong jana huida ma. Digambari do dingding ni inganan i dohot sude ragam ni ulok dohot angka binatang na haram na asing i, songon i muse ragam-ragam ni gambaran ni gana-ganaan na nisomba ni angka halak Israel.

HOSEA 9:17

Tulakkonon ni Debata na huoloi ma bangsoNa i, hara ni na so ra halahi manangihon Ia. Madang-adang noma halahi ditonga-tonga ni angka bangso.

HOSEA 9:9

Na lobi do jahatmunu songon na dung unjung dibaen halak Gibea. Ingoton ni Debata do hasalaanmunu jana uhumanNa hamu hara ni dosamunu i.

1 KORINTUS 10:22

Anso mangiburu dehe lakna Tuhan baenonta? Gumogo dehe hita lakna sian Tuhan?

PANGARATAION 16:22

jana ulang pajongjong hamu muse tiang batu laho mamele debata na asing, dibaen magigi do Tuhan di pangalaho i.

PANGARATAION 27:15

Angka halak Levi mandok, ‘Bura ni Debata ma di jolma na mambaen patung sian batu, hayu sanga logam, jana na manyomba i di na buni; dihagigihon Tuhan do na mamele gana-ganaan!’ Sude bangso i mandok, ‘I ma tutu!’

PANGARATAION 28:45

Ampe tu ho ma sude bura on, jana torus ma i marroan tu ho lopus abis ho, hara ni na so mangoloi ho tu Tuhan Debatamunu jana nada dipatulus ho sude uhum na nilehenNia i tu ho.

PANGARATAION 28:61

Laing paroon ni Tuhan muse ma ragam ni nyae dohot bala na so disuratkon di buku on, di buku ni uhum sude, lopus dipamate Ia hamu sude.

PANGARATAION 30:18

ingot hamu ma na hupaingot hamu sadari on: mago ma hamu. Nada maginjang umurmunu di tano na di bariba ni Batang aek Jordan na so sadia lolot nari be giot buatonmunu.

PANGARATAION 30:19

Saonnari bolas ma pilionmunu, hangoluan sanga na hamatean, pasupasu ni Tuhan sanga na buraNia. Langit dohot tano hupio gabe saksina di haputusan sibaenonmunu. Antong pili hamu ma hangoluan.

PANGARATAION 31:29

Huboto do, muda dung marujung ngolungku, marjahati ma angka jolma jana tulakkononna ma sanga aha na dung huajarkon tu halahi. Di pudian ni ari, ampe ma parmaraan tu halahi, patunda ni na mangalapi muruk ni Tuhan marhite na mambaen na nilarangNia.”

PANGARATAION 32:5

Tapi anggo hamu, i ma sada bangso na sai marroha mago, na so patut gabe bangsoNa, na gok akal busuk dohot dosa.

PANGARATAION 4:16

Jago ma hamu anso ulang jabat mardosa hamu hara ni na mambaen patung di hamu sandiri gabe sisombaon sanga na bia pe rupana, halaklahi sanga dadaboru,

PANGARATAION 4:23

Denggan ma paingot-ingot hamu! Ulang lupa hamu di parjanjian na nibaen ni Tuhan Debatamunu dohot hamu. Oloi hamu ma parentaNia; ulang baen hamu di hamu sandiri patung na gabe sisombaon sanga na bia pe rupana,

JOSUA 23:16

Muda dilanggar hamu pudun-pudun ni parjanjian antara ni Tuhan dohot hamu, gabe kehe hamu mangoloi dohot marsomba tu angka debata na asing, gabe muruk ma Tuhan jana hona uhumanNa ma hamu. Jana nada jabat sadia honok nari dung i, nada adong be umpe sahalak na tinggal sian hamu di tano na denggan on, na nilehen ni Tuhan di hamu.”