PANGARATAION 4:23 - BIBEL JAMITA NA DENGGAN

²³ Denggan ma paingot-ingot hamu! Ulang lupa hamu di parjanjian na nibaen ni Tuhan Debatamunu dohot hamu. Oloi hamu ma parentaNia; ulang baen hamu di hamu sandiri patung na gabe sisombaon sanga na bia pe rupana,

PANGARATAION 4:23 ပူးပေါင်းရင်းမြစ်များ

2 RAJA-RAJA 17:38

jana ulang halupahon hamu parjanjian antara Au dohot hamu.

1 JUJUR TAON 16:15

Sai diingot Ia do parjanjianNia, hot do janjiNia ro di salolotna.

HARURUAR 23:13

Tangihon hamu ma sanga aha na Hudok tu hamu, Au sandiri Tuhan na mandok tu hamu. Ulang martangiang hamu tu angka debata na asing, hum mandok goarna pe indangkon.”

JESAYA 24:5

Hodar ma tano on patunda ni na nilaosan ni pangisina angka parenta, na manguba aturan jana manggagai janji.

JEREMIA 31:22

Sadia honok nari sai torus ganggu ho, ale dakdanak dadaboru na so setia tu Au? Madung Hutompa na imbaru di tano on, dadaboru mangondingi halaklahi.”

JEHESKIEL 16:59

Didok Tuhan Debata i ma, “BaenonKu ma tu ho hombar tu karejomu, dibaen madung disoadahon ho sumpamu boti dilaosi ho parjanjianKu dohot ho.

JEHESKIEL 8:10

Masuk ma au antong jana huida ma. Digambari do dingding ni inganan i dohot sude ragam ni ulok dohot angka binatang na haram na asing i, songon i muse ragam-ragam ni gambaran ni gana-ganaan na nisomba ni angka halak Israel.

MALEAKI 4:4

Ingot hamu ma angka Tona na niajarkon ni naposongKu si Musa, ingot hamu ma angka aturan dohot angka parenta na Hulehen tusia di Dolok Sinai na gabe sioloan ni sandok halak Israel.

BILANGAN 15:39

Hasaya ni rambu-rambu i gabe parningotan ma i. Ganop diida hamu i ingotonmunu ma sude parentangKu jana angkon patulusonmunu. Jadi hara ni i nada hudukkononmunu be Au giot patuluskon lungun ni rohamunu dohot hagiotmunu sandiri.

MATEUS 24:4

Dialusi Jesus ma, “Angkon manat do hamu. Ulang jabat dipaoto-oto halak hamu.

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

LUKAS 21:8

Didok Jesus ma, “Jago ma hamu anso ulang tarpaoto-oto hamu. Angke bahat do halak na giot marroan mamake goarKu. Dokkonon ni halahi ma, ‘Au ma da Ia!’ dohot ‘Madung dapot hatihana.’ Ulang ihutkon hamu halahi.

PANGARATAION 16:22

jana ulang pajongjong hamu muse tiang batu laho mamele debata na asing, dibaen magigi do Tuhan di pangalaho i.

PANGARATAION 27:15

Angka halak Levi mandok, ‘Bura ni Debata ma di jolma na mambaen patung sian batu, hayu sanga logam, jana na manyomba i di na buni; dihagigihon Tuhan do na mamele gana-ganaan!’ Sude bangso i mandok, ‘I ma tutu!’

PANGARATAION 27:9

Dung i rap ma si Musa dohot angka Malim Levi mandok tu sude bangso Israel, “Parate-atehon hamu ma ale bangso Israel, jana tangihon hamu ma! Di ari sadari on, madung gabe bangso ni Tuhan Debata hamu.

PANGARATAION 29:25

Jana songon on ma alusna, ‘Hara ni na marbalik do bangso ni Tuhan i sian parjanjian na nibaen ni halahi dohot Tuhan, Debata ni ompu ni halahi, di na niobanNia halahi ruar sian Mesir.

PANGARATAION 31:20

ObanonKu ma halahi tu tano na napu jana na marlobian susu dohot madu, songon na dung Hujanjihon tu ompu ni halahi. Dapot halahi ma disi sipanganon na porlu di halahi jana mangolu di bagasan sonang ma halahi. Tapi di pudian ni ari marbalik ma halahi jana marsomba tu angka debata na asing. Tulahon ni halahi ma Au jana gagaan ni halahi ma parjanjianKu,

PANGARATAION 4:25

Muda dung honok hamu sanoli on maringanan di luat i, jana madung maranak marpahompu, ulang muse mardosa hamu hara ni na mambaen di dirimunu patung ni bagi aha sajo pe. Hajahatan do pangalaho na songon i di adopan ni Tuhan, jana na mambaen bonsir gabe muruk Ia.

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

PANGARATAION 5:2

Dibaen Tuhan Debatanta do sada parjanjian di Dolok Sinai,

PANGARATAION 6:12

denggan ma jagohon hamu anso ulang jabat lupa ho tu Tuhan na dung paluahon ho sian Mesir, ingananmu diparhatoban.

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!

JOSUA 23:11

Hara ni i, ingot hamu ma laho manghaholongi Tuhan Debatamunu.

JOSUA 23:16

Muda dilanggar hamu pudun-pudun ni parjanjian antara ni Tuhan dohot hamu, gabe kehe hamu mangoloi dohot marsomba tu angka debata na asing, gabe muruk ma Tuhan jana hona uhumanNa ma hamu. Jana nada jabat sadia honok nari dung i, nada adong be umpe sahalak na tinggal sian hamu di tano na denggan on, na nilehen ni Tuhan di hamu.”