PANGARATAION 4:22 - BIBEL JAMITA NA DENGGAN

²² Nada sadia honok nari taripar ma hamu jana ingananmunu ma tano na napu i, hape anggo au nada dohot be, marujung dison noma ngolungku.

PANGARATAION 4:22 ပူးပေါင်းရင်းမြစ်များ

AMOS 3:2

“Sian sandok bangso na di tano on, hum sasada hamu sajo do bangso na Hutanda dohot na Huantoi. I ma mambaen godang dosamunu, jana angkon uhumanKu hamu.”

BILANGAN 27:13

Dung ditatap ho ale Musa, mate ma ho songon angkangmu si Harun,

BILANGAN 27:14

angke di Halongonan Zin dialo hamu na dua do parentangKu. Hatiha di Meriba sude rayat i marungut-ungut tu Au, nada ra hamu patorangkon tu halahi bahaso hum Au do na Markuaso.” (Meriba i ma haroroan ni aek di Kades na di Halongonan Zin.)

BILANGAN 31:2

“Uhumi ma halak Midian, hara ni pambaenan ni halahi tu halak Israel. Dung salpu i, ale Musa, marujung ma ngolumu.”

PANGARATAION 1:37

Patunda ni hamu muse, gabe muruk ma Tuhan tu au, didok do, ‘Ho pe Musa, nada masuhanmu luat i.

PANGARATAION 3:25

Patola ma au manaripari Batang aek Jordan ale Tuhan, laho mangaligi tano na napu na di bariba an, tano partoran na jeges dohot tano Libanon.’

PANGARATAION 3:27

Kehe ma ho tu puncut ni Dolok Pisga jana tatap ma tu Utara dohot tu Selatan, tu Habincaran dohot tu Hasundutan. Tangkas ma parrohahon na niidami, angke anggo ho, indangkon na dohot be ho manaripari Batang aek Jordan.

PANGARATAION 31:14

Dung i didok Tuhan ma tu si Musa, “Nada pola lolot be ho mangolu. Jadi piohon ma si Josua, jana oban ma ia tu Bandar ParmiananKu, anso tarlehen Au angka panogu-noguon tusia.” Jadi kehe ma si Musa dohot si Josua tu Bandar Parmianan,