PANGARATAION 4:19 - BIBEL JAMITA NA DENGGAN

¹⁹ Ulang jabat mardosa hamu hara ni na marsomba jana mangoloi tu sanga aha na niidamunu di langit, i ma mataniari, bulan dohot angka bintang. Dipadiar Tuhan Debatamunu do anggo angka bangso na asing manyomba angka i.

PANGARATAION 4:19 ပူးပေါင်းရင်းမြစ်များ

PAMUNGKAAN 1:14

Dung i mangkuling ma Debata, “Jadi ma angka na torang idaon di langit i manyirang arian sian borngin bope laho patandahon pamungkaan ni ari, taon dohot ari pesta ni ugamo;

PAMUNGKAAN 2:1

Songon i ma dipasidung sudena langit dohot tano bope isina sudena.

2 RAJA-RAJA 17:16

Dilaosi halahi do sude Tona Ni Tuhan, Debata ni halahi jana dibaen halahi do dua lombu logam sisombaon ni halahi. Dibaen halahi ma gana-ganaan ni Debata Asera, disomba halahi angka binatang jana marsomba halahi tu Debata Baal.

2 RAJA-RAJA 21:3

Angka inganan pamelean ni gana-ganaan na dung disegohon ni amangnia si Hiskia, dipajongjong ia mangulahi. Dipajongjong ia angka langgatan anso marsomba tu Baal, jana dipambaeni ia angka patung ni Dewi Asera, songon na nibaen ni si Ahab raja ni Israel i. Laing disomba si Manase muse do angka bintang.

2 RAJA-RAJA 23:11

Sandok kudo na gabe hapunjungan dibaen angka raja ni Juda laho marsomba mataniari, diambungkon, jana angka kareta na nipake di pamelean i, ditutungi (di alaman ni Bagas Ni Debata do dibaen angka kareta i – di lambung ni Horbangan – nada sadia dao sian inganan ni si Natan Melek, i ma sahalak pagawe tinggi).

2 JUJUR TAON 33:3

Dibangun ia do mangulahi angka inganan parsombaan ni gana-ganaan na dung dironcohon ni si Hiskia amangnia i. Dibangun ia ma angka langgatan laho maribadat tu Baal, jana dibaen ia angka patung ni Debata Asera, jana disomba ia angka bintang.

NEHEMIA 9:6

Dung i martangiang ma rayat ni Israel songon on, “Ho do antong Tuhan, ho do na sun sasada: Dijadihon Ho do bintang dohot sude angkasa. Songon laut dohot tano maradu sude isina. Lalu dilehen Ho ngoluna jana manyarihonsa. Sude kuaso na di langit marsomba sujud. Tunduk halahi tu Ho jana mangunduk.

MASMUR 19:3

Nada adong mangkuling sanga hata sibegeon, nada adong sora sitangkupon ni pinggolniba.

JEREMIA 19:13

Sude bagas na adong di Jerusalem dohot sude bagas ni angka raja ni Juda gabe hodar ma i songon Tofet; angke madung ditutung halak di ginjang ni ganop bagas i dupa tu angka debata langit, jana dipelehon anggur tu angka debata na asing.”

JEREMIA 31:35

Dipasingkop Tuhan do mataniari laho manorangi arian; bulan dohot angka bintang laho manorangi borngin. Digaor Ia laut i anso marombak galumbangna, Tuhan Na Markuaso i, i ma da goarNa.

JEREMIA 33:25

Tapi songon na Hubaen, Au Tuhan mambaensa, sada parjanjian na nipudun dohot arian dohot borngin, jana na mambaen aturan na manontuhon langit dohot tano,

JEREMIA 8:2

nada laho palaguton sanga tanomon mangulahi tapi padiaron do rerak di tano i songon rompak. Marserak ma angka holi-holi ni jolma i di las ni ari, di torang ni bulan dohot angka bintang na nihaholongan ni halahi, na nioloanna, na nisomba dohot pangidoan ni panogu-noguon ni halahi.

JEHESKIEL 18:6

Nada disomba ia gana-ganaan ni halak Israel sanga mangankon haul di angka inganan parsombaan tu debata. Nada jungada digoda ia dadaboru ni halak sanga modom rap dohot dadaboru na ro bulanna.

JEHESKIEL 8:16

Dioban Ia ma au tu alaman parbagasan di Bagas Ni Tuhan. Dilambung ni dalan laho masuk tu Bilik Na Badia i, di antara ni langgatan dohot dalan i adong disi dua pulu lima halak halaklahi. Dihudukkon halahi do Bilik Na Badia i, jana marsomba ma halahi adop Habincaran manyomba mataniari na bincar i.

ZEPANYA 1:5

Ias haisonKu sude sanga ise na manaek tu tarup laho manyomba mataniari, bulan dohot angka bintang. AbiskononKu muse dope halahi na manyomba Au jana na marsumpa mandok setia tu Au, hape marsumpa muse halahi mangasahon goar ni Debata Milkom.

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

BAENON NI ANGKA RASUL 7:42

Dung i ditadingkon Debata ma halahi jana dipadiar Debata ma halahi manyombai angka bintang na di langit i. Hombar do i tu na tarsurat di buku ni angka panurirang. Songon na tarsurat, ‘Ale hamu halak Israel! Jungada dehe dilehen hamu di Au haul na nitutung sanga haul na nisambol salolot na opat pulu taon di halongonan?

SURAT NI SI PAULUS TU PARLAGUTAN ROM 1:25

Dipasambar halahi ma hasintongan ni Debata tu gabus, jana nada be Panompa i, tapi angka na nitompa i noma tehe disomba jana dioloi halahi. Hape nian angkon na Manompa i do sipujion salolot-lolotna! Amen.

PANGARATAION 13:10

Angkon nidangguran do parsala i dohot batu lopus mate! Na giot padaoonnia ma hamu antong sian Tuhan Debatamunu na paluahon bangso on sian parhatobanan na di Mesir.

PANGARATAION 17:3

hara ni na marsomba dohot mangoloi tu angka debata na asing, sanga pe tu mataniari, sanga tu bulan, sanga tu angka bintang, na maralo tu parenta ni Tuhan,

PANGARATAION 4:18

binatang na manjurur sanga ihan.