PANGARATAION 4:15 - BIBEL JAMITA NA DENGGAN

¹⁵ “Di na mangkuling Tuhan tu hamu sian api i di Dolok Sinai, nada adong diligi hamu rupaNa. Jadi, anso padenggankon di hamu sandiri, patut ma ingotonmunu!

PANGARATAION 4:15 ပူးပေါင်းရင်းမြစ်များ

1 RAJA-RAJA 19:12

Dung i ro ma api, hape nada di bagasan api i Tuhan. Dung salpu i, tarbege ma pangombus ni alogo na angon-angon.

MASMUR 119:9

Tarjagohon na poso do dirina sian hahodaron, muda diihutkon parentaMu di ngoluna, ale Tuhan.

HARURUAR 19:1

Dung i kehe ma bangso Israel manadingkon Rafidim jana di tanggal sada bulan patoluhon dung kehe halahi sian Mesir, lalu ma halahi di Parhorsihan Sinai. Jana dibaen halahi ma bandar di pat ni Dolok Sinai,

HARURUAR 20:4

Ulang baen di ho patung na manyarupai sanga aha pe na adong di langit di ginjang sanga na adong di tano on bope na adong di aek na di toru ni tano.

PODA 4:23

Jagohon ma pikiranmu denggan, harana pikiranmi do manontuhon pardalan ni ngolumu.

PODA 4:27

Padao ma na jahat, jana tigor ma ho mangolu. Ulang jabat ho manyirpang sian dalan na tigor.

JESAYA 40:18

Jadi giot tu aha ma patudosonmu Debata, aha ma didok rohamu na sarupa dohot Ia?

JEREMIA 17:21

Songon on do ditonahon Tuhan: ‘Muda nada giot hamu mate, ulang ma maroban barang hamu di Ari Sabat, sanga marobansa mamolus sian angka pintu horbangan ni Jerusalem.

MALEAKI 2:15

Nada he na dung dibaen Debata hamu sapamatang dohot satondi dohot dadaboru i? Ahe dehe maksud ni Tuhan disi? Nada asing sian sada maksud, i ma anso maruli dakdanak hamu na tutu situtu bangso ni Debata. Jadi, tangkas parrohahon hamu; ulang jabat adong sian hamu na manguba janji sian dadaboruna.

PANGARATAION 10:4

Dung i disuratkon Tuhan ma di batu i Parenta Na Sampulu i, i ma angka hata na sarupa songon na nisuratNia i di na parjolo i. Madung dilehen Ia angka parenta i tu hamu, di na mangkuling Ia tu hamu sian tonga-tonga ni api di ari i dompak na marlagut hamu di pangkal ni dolok i. Dung sidung dilehen Tuhan batu i tu au

PANGARATAION 4:12

Baritahon hamu ma tu halahi songon dia pangkuling ni Tuhan tu hamu sian api i, songon dia pambegemunu di soraNa i, tapi umpe haidaan sanga na songon dia pe rupana.

PANGARATAION 4:14

Disuru Tuhan do au mangajarkon sude aturan sioloanmunu di tano na giot masuhan dohot siingananmunu i.”

PANGARATAION 4:23

Denggan ma paingot-ingot hamu! Ulang lupa hamu di parjanjian na nibaen ni Tuhan Debatamunu dohot hamu. Oloi hamu ma parentaNia; ulang baen hamu di hamu sandiri patung na gabe sisombaon sanga na bia pe rupana,

PANGARATAION 4:36

Sian langit, dipatubegehon Ia do soraNia tu hamu laho mangajari hamu; di tano on, madung dipatidahon Ia tu hamu apiNia na badia, jana sian api i pe mangkobari do Ia tu hamu.

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

PANGARATAION 5:4

Mangkobari do Tuhan di ginjang ni dolok i sian api paadop-adop dohot hamu.

PANGARATAION 5:8

Ulang baen di ho patung na manyarupai sanga aha pe diginjang di langit sanga na adong di tano, bope na di aek na di toru ni tano.

PANGARATAION 9:10

Dung i dilehen Tuhan ma tu au batu na dua i na nisurat ni Tuhan sandiri dohot hata na nipajojorNia sian tonga-tonga ni api i tu hamu, di na marlagut hamu di pat ni dolok i.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

JOSUA 23:11

Hara ni i, ingot hamu ma laho manghaholongi Tuhan Debatamunu.