PANGARATAION 34:4 - BIBEL JAMITA NA DENGGAN

⁴ Dung i didok Tuhan ma tu si Musa, “On ma da tano na Hujanjihon i tu si Abraham, si Ishak dohot si Jakob sipasahaton tu pomparan ni halahi. Hupatidahon do i tu ho Musa, tapi nada Hupatola ho kehe tusi.”

PANGARATAION 34:4 ပူးပေါင်းရင်းမြစ်များ

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 13:15

lehenonKu ma tu ho dohot tu pomparanmu sude tano na niidami anso gabe ho nampunasa salolot-lolotna.

PAMUNGKAAN 17:8

LehenonKu ma di ho dohot di pomparanmu, i ma tano na niingananmon saonnari songon paisolat. Sude tano Kanaan gabe pomparanmu ma nampuna i ro di salolot-lolotna jana Au ma gabe Debata ni halahi.”

PAMUNGKAAN 26:3

Hudongani pe ho jana Hupasupasu. LehenonKu do di ho dohot di pomparanmu sude banua on. GohanKu do janji na dung Hupasahat tu si Abraham amangmi.

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

BILANGAN 20:12

Dung i mangkuling ma Tuhan tu si Musa dohot tu si Harun, ninna ma, “Hara ni naso porsaya hamu di hatangKu jana ganggu hamu patidahon kuasongKu na badia i di jolo ni halak Israel, gabe nada hamu be maroban halahi tu tano na Hujanjihon tu halahi.”

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

PANGARATAION 1:37

Patunda ni hamu muse, gabe muruk ma Tuhan tu au, didok do, ‘Ho pe Musa, nada masuhanmu luat i.

PANGARATAION 1:8

Ingot ma; Au do Tuhan na dung manjanjihon sude tano i tu ompumunu si Abraham, si Ishak dohot si Jakob maradu tu pomparan ni halahi. Antong, kehe ma hamu, jana ingani hamu ma luat i.’ ”

PANGARATAION 32:52

Jadi hara ni i, nada tola ho masuk tu tano na giot silehenonKu tu bangso Israel; hum manatap sian na dao do ho na tola.”

JOSUA 21:43

Songon i ma dilehen Tuhan tu halak Israel sude tano na dung DijanjihonNia i mardongan sumpa tu ompu na umpompar halahi. Dung dibuat tano i, maringanan ma halak Israel disi.

HAKIM-HAKIM 1:16

Angka halak Keni, i ma pomparan ni si Hobab, ipar ni si Musa, didongani halahi ma halak Juda haruar sian Jeriko, kota Kurma, jana kehe tu luat na harsang na di Selatan ni Arad na di Juda. Disi ma halahi hot maringanan di tonga-tonga ni bangso Amalek.