PANGARATAION 34:1 - BIBEL JAMITA NA DENGGAN

¹ Dung i kehe ma si Musa sian napa ni Moab jana manangkok ma ia tu Dolok Nebo, tu puncut ni Dolok Pisga na di Habincaran ni Jeriko. Disi ma dipatuduhon Debata luat i sude tusia, i ma: Tano Gilead di Utara lopus tu kota Dan;

PANGARATAION 34:1 ပူးပေါင်းရင်းမြစ်များ

PAMUNGKAAN 13:14

Dung kehe si Lot, didok Tuhan ma tu si Abram, “Sian tano hajongjonganmi, tatap ma tangkas humaliang;

PAMUNGKAAN 14:14

Dung tarboto tu si Abram na dung tartangkup anak ni angginia i, dipalagut ia ma sude jolma na adong di bandarnia i, i ma angka na malo marporang 318 halak bahatna, dikojar halahi ma raja si opat halak i lopus tu Dan.

JEHESKIEL 40:2

Di sada parnidaan, dioban Debata ma au tu Jerusalem jana dibaen ma au di dolok na gincat. Adong ma huida di jolongku saluhutan bangunan na tudos tu sada kota.

BILANGAN 21:20

dung i tu rura na di luat ni halak Moab, di toru ni Dolok Pisga na adop tu parhorsihan.

BILANGAN 23:14

Jadi dioban si Balak ma si Bileam tu Zopim, di puncut ni Dolok Pisga. Disi pe dipajongjong ia muse pitu langgatan jana dihaulkon ia sada lombu jantan, sada biri-biri jantan di ganop langgatan i.

BILANGAN 27:12

Didok Tuhan ma tu si Musa, “Manangkok ma ho tu Dolok Abarim, sian i ma tatap luat na giot lehenonKi di halak Israel.

BILANGAN 33:47

Sian Almon-Diblataim, marbandar ma halahi di Dolok Abarim na di lambung Dolok Nebo.

PANGARATAION 3:27

Kehe ma ho tu puncut ni Dolok Pisga jana tatap ma tu Utara dohot tu Selatan, tu Habincaran dohot tu Hasundutan. Tangkas ma parrohahon na niidami, angke anggo ho, indangkon na dohot be ho manaripari Batang aek Jordan.

PANGARATAION 32:49

“Kehe ma ho tu partoran Abarim na di Luat Moab di bariba ni Jeriko. Manangkok ma ho tu Dolok Nebo jana tatap ma tano Kanaan na so sadia lolot nari be giot pasahatonKu tu bangso Israel.

PANGARATAION 32:52

Jadi hara ni i, nada tola ho masuk tu tano na giot silehenonKu tu bangso Israel; hum manatap sian na dao do ho na tola.”

PANGARATAION 34:4

Dung i didok Tuhan ma tu si Musa, “On ma da tano na Hujanjihon i tu si Abraham, si Ishak dohot si Jakob sipasahaton tu pomparan ni halahi. Hupatidahon do i tu ho Musa, tapi nada Hupatola ho kehe tusi.”

JOSUA 19:47

Nada tarbuat angka halak na sian Marga Dan deba sian bagian ni halahi i, gabe kehe ma halahi tu Lesem mamorangi kota i. Jadi dirampas halahi ma kota i lalu dibunu pangisina i, jana ujungna diingani halahi ma kota i. Jadi gabe maringanan ma halahi disi jana digonti halahi ma goar ni kota Lesem gabe kota Dan mangihutkon goar ni ompu ni halahi.

JOSUA 22:9

Jadi mulak ma Marga Ruben, Gad dohot Marga Manase Parhabincaran tu tano ni halahi. Ditadingkon halahi ma halak Israel na asing i di Silo na di tano Kanaan, lalu kehe ma halahi tu tano ni halahi sandiri, i ma tano Gilead. Hara ni parenta ni Tuhan markite-hite si Musa do diingani halahi tano i.

HALUMBAAN 21:10

Jadi digohi Tondi Parbadia ma au, jana dioban surusuruan i ma au tu puncut ni dolok na lobi gincat. Dipatidahon ia ma tu au Jerusalem, Kota Na Badia i. Na mijur do huta i sian banua ginjang, sian Debata

HAKIM-HAKIM 18:29

Dipauba halahi ma goar ni kota i gabe Dan mangihutkon goar ni ompu na umpompar halahi, i ma si Dan anak ni si Jakob.