PANGARATAION 33:8 - BIBEL JAMITA NA DENGGAN

⁸ Salaho tu Marga Levi didok ia: “Marhite Urim dohot Tumim torang ma giot ni rohamu, sian halak Levi naposoMu na burju-burju. Diuji Ho do halahi di Masa, martangkangi dohot halahi di sumur Meriba.

PANGARATAION 33:8 ပူးပေါင်းရင်းမြစ်များ

2 JUJUR TAON 23:6

Sada halak pe nada adong na tola masuk anggo tu Bagas Ni Debata asing sian angka malim dohot halak Levi na markarejo. Anggo halahi tola do masuk dibaen na dihapunjungkon do halahi tu Tuhan. Angka halak na asing i angkon tunduk do tu paraturan ni Tuhan jana tinggal di ruar.

ESRA 2:63

Dilarang gubernur ni Juda ma halahi mangankon sipanganon na dipasahat tu Debata, lopus adong sada halak malim na tarbaen mangido panogu-noguon marhite na mamake Urim dohot Tumim.

ESRA 8:28

Hudok ma tu angka malim i, “Madung dihapunjungkon hamu di Tuhan, Debata na nisomba ni angka ompunta, songon i muse sude parkokas perak dohot sere ma disumbangkon tu Tuhan, hapunjungan ni Tuhan do i.

NEHEMIA 7:65

Dilarang gubernur ni Juda ma halahi mangankon sipanganon na dihaulkon tu Debata, lopus adong sada malim na malo mangido panogu-noguon marhite na mamake Urim dohot Tumim.

MASMUR 106:16

Mangiburu do halahi di parhorsihan i maradopkon si Musa dohot si Harun naposoMu na badia i.

MASMUR 16:10

angke nada dipadiar Ho au mate, halak na nihaholonganMu nada dilehen Ho tu hamatean.

MASMUR 81:7

Di bagasan hasusaanmu pio-pio do hamu tu Au, gabe ro do Au paluahon hamu. Hualusi pe sian ronggur, inganan partabunianKu, di mata mual Meriba, Huuji hamu.

HARURUAR 17:7

Digoari ma inganan i Masa, angke di inganan i ma diuji halak Israel Tuhan, di na nisapaan ni halahi, “Rap dope ulaning Tuhan, dohot hita sanga nada?” Laing margoar do inganan i Meriba, angke di inganan i ma marungut-ungut halahi.

HARURUAR 28:30

Pasang ma Urim dohot Tumim di tutup andora i anso tarpake si Harun i muda ro ia mangadop tu ingananKu na badia. Muda di hatiha na songon i, angkon pakeonnia tongtong tutup andora i, anso diboto ia sanga aha giot ni rohangKu di bangsongKu Israel.”

HARURUAR 28:36

Baen ma sada parhiasan sian sere na polin na nigorga dohot pandohan, ‘Nabadia di Tuhan’.

HAMALIMON 21:7

Sada malim nada tola marbagas dohot dadaboru siboru jalang sanga mambuat dadaboru na so bujing-bujing be sanga na sirang, angke hapunjunganKu do nampuna malim.

HAMALIMON 8:8

Dibaen ia muse tutup ni andora tu si Harun, jana dibaen ia ma Urim dohot Tumim di bagasan tutup andora i.

MALEAKI 2:6

Ajarkonon ni halahi ma na sintong, nada be na marsalaan. Hombar tu hagiotKu noma parngoluon ni halahi. Bulus noma parrohaon ni halahi jana solkot parngoluonna dohot Au, nada hum na denggan be baenon ni halahi, tapi urupan ni halahi muse ma halak na asing anso ulang be mambaen na jahat.

BILANGAN 16:5

Dung i didok ia ma tu si Korah dohot donganna i, “Ancogot manyogot i patidahonon ni Tuhan ma tu hita sanga ise sian hita na dung mardohonan di Tuhan. Halak na dung mardohonan di Tuhan i, patuduhonon ni Tuhan sandiri do i mandongani Tuhan i di langgatan i.

BILANGAN 20:13

Masa do i di Meriba. Di inganan i ma halak Israel marungut-ungut tu Tuhan, jana disi muse ma dipatidahon Tuhan habadiaanNia tu bangso i.

BILANGAN 20:24

“Nada dohot be si Harun masuk tu tano na dung Hujanjihon tu halak Israel, angkon mate noma ia, dibaen dialo hamu na dua parentangKu di Meriba.

BILANGAN 27:21

Angkon marsapa do si Josua tu si Eleasar jana sapaan ni si Eleasar ma hagiotKu marhite na mamake Urim. Marhite na songon i ma si Eleasar mamimpin si Josua dohot sude bangso Israel di sude parkaro na ro tu halahi.”

BILANGAN 35:8

Bahat ni kota ni halak Levi di ganop luat di Marga Israel angkon ditontuhon mangihutkon godang dohot menek ni ganop luat i.”

PANGARATAION 6:16

Ulang uji hamu Tuhan Debatamunu i songon na dung dibaen ho di Masa.

PANGARATAION 8:16

Di parhorsihan i dilehen Ia do manna gabe sipanganonmunu, i ma sipanganon na so jungada humani dope dipangan ompumunu di jolo ni i. Diparo Ia angka hamaolon tu dirimunu laho manguji hamu anso di ujungna tarbaen Ia mamasumasu hamu dohot rasoki.

PANGARATAION 9:22

Di Tabera, Masa dohot Kibrot Taawa disungguli hamu do muruk ni Tuhan Debatamunu.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.

1 SAMUEL 28:6

Gabe mangido panogu-noguon ma ia tu Tuhan, hape nada dialusi Tuhan ia, sanga di nipi bope dohot na mamake Urim dohot Tumim sanga pe markite-hite panurirang.