PANGARATAION 33:5 - BIBEL JAMITA NA DENGGAN

⁵ Di na marlagut bangso on dohot angka pamimpinNa, Tuhan do na gabe raja di bangsoNa.”

PANGARATAION 33:5 ပူးပေါင်းရင်းမြစ်များ

PAMUNGKAAN 36:31

Dompak so jungada dope adong sada raja na mamarenta di Israel, mamarenta do di tano Edom angka raja na marjojor di toru on: Si Bela anak ni si Beor na sian Dinhaba. Si Jobab anak ni si Zera na sian Bosra. Si Husiam sian luat ni halak Teman. Si Hadad anak ni si Bedad sian Awit (on ma na manaluhon halak Midian di parporangan na di Luat Moab). Si Samla na sian Masreka. Si Saul na sian Rehobot na di topi ni batang aek. Si Baal-Hanan anak ni si Akbor. Si Hadar na sian Pahu (si Mehetabeel goar ni dadaboruna, boru ni si Matred jana pahompu ni si Mesahab).

HARURUAR 15:18

Mamarenta ma Ho, ale Tuhan salolot-lolotna.”

HARURUAR 18:16

Muda adong hagaoran di halahi, mangadop ma i tu au anso huputuskon sanga ise na tigor, jana hupaboa ma tu halahi angka parenta dohot aturan-aturan ni Debata.”

HARURUAR 18:19

Antong, ihutkon ma sipaingotkon, gabe donganan ni Debata do ho. Tutu nian, na denggan do mangwakili bangso on di jolo ni Debata dohot na pasahatkon parsoalan ni halahi tusia.

JESAYA 44:2

Songon on ma hata ni Tuhan, na manompa ho na mambaen ho hatiha di bortian jana mangurupi ho. NaposongKu do ho, ulang mabiar rohamu, ho do bangso na Huhaholongi todoan ni rohangku.

BILANGAN 23:21

Huida ari pangapudian ni Israel na marbungaran; nada hona bala dohot mara Tuhan, i do Debatana. Tudia pe tongtong do dohot Ia. Didok halahi: Ibana do Raja!

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

PANGARATAION 33:26

“O, Israel, boto hamu ma, sumurung do Debata sian sasude debata. Dibolus Ia do langit di bagasan hamuliaan mamintas di ombun mangalehen di hamu tolongan.

HAKIM-HAKIM 17:6

Di hatiha i nada adong raja ni bangso Israel; marsibaen roha-rohana be do ganop jolma.

HAKIM-HAKIM 8:22

Dung i didok halak Israel ma tu si Gideon, “Madung dipalua ho hami sian kuaso ni halak Midian. Jadi hara ni i, ho noma da antong pamimpinnami – ho dohot pomparanmu.”

HAKIM-HAKIM 9:2

“Cubo hamu ma jolo sapai hamu halak na maringanan di Sikem on, dia do na dumenggan: Diparenta anak ni si Gideon sipitu pulu halak i, sanga diparenta sada halak? Laing sungguli hamu tu halahi paboa na adong dope hubungan ni parmudaronku dohot halahi.”