PANGARATAION 33:3 - BIBEL JAMITA NA DENGGAN

³ Dihaholongi Tuhan do bangsoNa dijagohon Ia do nampunaNia. Manungkap ma hita di jolo ni patNia mangoloi angka parentaNa.

PANGARATAION 33:3 ပူးပေါင်းရင်းမြစ်များ

MASMUR 31:15

Ho do na sai tongtong pature-ture au; palua ma au sian musungku, dohot sian halak na manyosak au.

MASMUR 47:4

Ditodo Ia do di hita tano pusako, na nihagodangkon ni roha ni bangso na nihaholonganNia.

MASMUR 50:5

Diparentahon Ia do tu halahi laho palagutkon bangsoNia di joloNia; bangso na dung mangikat janji dohot Ia, jana na manghaulkon haul situtungon tuSia.

PODA 2:1

Jagit ma angka pangajaranku, ale anakku, jana paingot-ingot ma angka sipaingotku tu ho.

PARJAMITA 9:1

Hupikiri do i tangkas sudena. Diatur Debata do ngolu ni halak na burju jana na marroha, na margoyak ni roha, bope halak na marroha holong. Nada adong na umboto sanga aha na giot masa di pudian ni ari.

JEREMIA 2:2

Kehe ma ho paboahon barita on tu sude halak na adong di Jerusalem, “O ale Israel, Huingot do holongmu, taran di haposoonmu; godang ni holong ni rohamu di na dompak boru ho. Diihutkon ho do Au tu halongonan mangolu sian luat na so marsuan-suanan.

JEREMIA 31:3

Hupatidahon do diringKu sian na dao tu halahi. O ale bangso Israel, sian najolo do sai holong rohangKu mida hamu, jana laing torus do tu joloan on giot patuduhononKu na holong rohangKu mida hamu.

JEREMIA 32:40

BaenonKu ma parjanjian na hot dohot halahi. Nada mantak Au mambaen na denggan tu halahi. BaenonKu ma halahi mabiar jana mamparsangapi Au sian sandok rohana anso ulang mandao halahi sian Au.

HOSEA 11:1

Didok Tuhan ma, “Huhaholongi do Israel mamungka sian hamenehannia, Hupio anakKi ruar sian Mesir.

MALEAKI 1:2

Didok Tuhan ma tu bangsoNia, “Sian najolo do Huhaholongi hamu.” Tapi dialusi halahi do, “Bia ma he dibaen Ho manghaholongi hami?” Dialusi Tuhan ma, “Nada he martinadohon si Esau dohot si Jakob? Huhaholongi do si Jakob dohot pomparanna,

MATEUS 23:2

“Juguk do angka Siboto Surat dohot halak Parise, di juguhan ni si Musa.

LUKAS 10:39

Adong do anggi ni si Marta, na margoar si Maria. Juguk sajo ma si Maria di lambung pat ni Jesus manangihon pangajaranNia.

LUKAS 2:46

Dung tolu ari dijalahi halahi, dohot halahi ma Ia juguk-juguk manangihon dohot manyapa-nyapai angka Siboto Surat Jahudi di Bagas Ni Debata.

LUKAS 8:35

Markehean ma halak giot mangaligi sanga aha na masa i. Didapotkon halahi ma Jesus, dung i diida halahi ma disi bayo na nitadingkon ni tondi na jahat i juguk di lambung pat ni Jesus. Madung denggan ia marpakean, pikirannia pe madung torang. Gabe mabiar ma halahi sude.

BAENON NI ANGKA RASUL 22:3

“Halak Jahudi do au, di Tarsus na di Luat Kilikia do au sorang, tapi di Jerusalem on do au magodang jana tangkas do diajari guru godang Gamaliel au taringot tu Tona na nilehen tu angka ompungta. Songon dia haburjuonmunu dison sadarion hamu ale angka dongan, laing songon i do au burju mangoloi Debata.

PANGARATAION 14:2

Bangso na badia do hamu di Tuhan Debatamunu; sian sandok bangso na di ginjang tano on, hamu do na nipili ni Tuhan gabe bangso hapunjunganNia.”

PANGARATAION 4:37

Hara ni na holong rohaNia di ompumunu, madung ditodo Ia hamu; mardongan godang ni kuasoNia, madung dioban Ia hamu ruar sian Mesir.

PANGARATAION 6:1

“Tuhan Debatamunu i do marsuru au mangajarkon sude aturan on tu hamu. Oloi hamu ma sudena i di tano na giot siingananmunu di na so pola lolot be.

1 TESSALONIKA 1:6

Madung gabe ditiru hamu tiruannami dohot tiruan ni Tuhan i. Haru pe markancit situtu hamu, laing dijagit hamu do hata i mardongan jop ni roha. Tondi Parbadia do na mangalehen jop ni rohamunu i.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

1 JOHANNES 4:19

Marholong ni roha pe hita, hara ni na dung parjolo do Debata mangkaholongi hita.

1 SAMUEL 2:9

Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.