PANGARATAION 33:29 - BIBEL JAMITA NA DENGGAN

²⁹ O Israel, na godang ma antong tuamu, nada adong bangso na dipalua songon bangsomu. Tuhan i sandiri do parince dohot podangmu, mambela dohot mangalehen hamonanganmu. Marroan ma musumu mangido ibo ni roha, dege-degeonmu ma halahi sudena di dolok-dolok ni halahi.”

PANGARATAION 33:29 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

2 SAMUEL 22:3

Tu Debata do au marsilaung jana sonang do au marlindung. Songon parince do Debata manutup au, sonang ma au, dibaen Ia do mangondingi au. Tuhan i do Sipalua di au sian na mangasa gogo gabe malua au.

2 SAMUEL 22:45

Tunduk jana mangunduk bangso na asing tu au, unduk halahi muda dibege parentangku.

2 SAMUEL 7:23

Jana nada adong sada bangso di tano on songon Israel. Hum sasada Israel do bangso na nipaluaMu sian parhatobanan anso baenonMu gabe bangsoMu sandiri. Sude pambaenanMu na godang i dohot hahomangan na nibaenMu tu halahi, na pararatkon hahuskuson ni goarMu do i tu sandok tano on. Madung dipaorot Ho angka bangso na asing dohot angka debata ni halahi di na kehe bangsoMi tu paraloan.

2 JUJUR TAON 31:8

Marnida sumbangan na bahat i, dipasangap Raja Hiskia dohot angka pagawenia ma Tuhan jana dipuji halahi ma rayat ni Israel i.

MASMUR 1:1

Martua ma halak na so manangihon sipaingot ni halak parjahat, na so maniru jolma pardosa, jana na so mardongan dohot halak na pabile Debata,

MASMUR 144:15

Martua ma bangso na dumpang songon i pangalahona, martua ma bangso na marDebatahon Tuhanta!

MASMUR 18:44

Bangso na asing i tunduk tu au, jana mangoloi muda tarbege parentangku.

MASMUR 18:45

Mago sude hagarangonna i, jana humitir haruar sian bentengna i.

MASMUR 32:1

Martua ma sanga ise na dung nisesa pangalaosina, jana na nitutupan dosana.

MASMUR 32:2

Martua ma sanga ise na so nietong ni Tuhan hajahatanna, jana na bulus rohana.

MASMUR 33:12

Martua ma bangso na mangoku Tuhan gabe Debatana, martua ma bangso na hona todo gabe bangsoNia!

MASMUR 33:20

Jadi mararop roha tu Tuhan noma hita, Ia do pangurupi dohot na mambela hita.

MASMUR 45:3

Solotkon bo podang di gonting, o raja ulubalang, na tongam ma da raja i jana marmulia!

MASMUR 66:3

Dok ma tu Debata, “Hahomangan godang do antong pambaenanMu!” Tunduk tu Ho angka musu jabat bajoraon, hara ni godang ni kuasoMu.

MASMUR 68:34

Pabotohon ma bahaso Debata do di Israel mamarenta, di ginjang ni angka ombun markuaso Debata.

MASMUR 7:12

Muda parange ni halahi nada muba, madung singkop Debata dohot sinjata na mambaen pusa. Digarut Ia podangNa, disintak siorNa ditembakkon dohot pana na marapi.

MASMUR 81:15

TaluhononKu ma sanga ise na magigi mida Au, salolotna noma halahi hona uhumKu.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 27:1

Pakeon ni Tuhan ma podangNia na togu jana na tajom i laho manguhumi Lewiatan, ulok na margeldok-geldok jana na mangarpe i dohot mamunu naga laut i.

JESAYA 33:16

Jadi gabe malua do hamu jana sonang, songon na tinggal di bagasan benteng na togu. Singkop do sipanganon dohot siinumon di hamu.

JESAYA 45:17

Hape anggo Israel paluaon ni Tuhan, jana malua ma halahi salolotna. Rayatna i nada palayason salolot-lolotna dohot satorusna.’ ”

JESAYA 58:14

jadi gabe marjop ni roha ma hamu hara ni Tuhan i. BaenonKu ma hamu marsangap di tano on sudena, jana sonang ma hamu mangolu baenonKu di tano na Hulehen tu ompumunu si Jakob. Au Tuhan, madung mandok songon i.”

JEREMIA 12:12

Sian ipar ni padang halongonan di dolok, marroan angka jolma laho manyamun. Huparo porang laho manyegohon sandok luat i lopus nada adong sahalak pe tarbaen mangolu di bagasan dame.

JEREMIA 47:6

Marsurak hamu, ‘Sadia honok nari ho ale podang ni Tuhan sai manyaroso? Mulak ma da ho tu sarungmu jana disi ma ho sonang!’

HOSEA 13:9

SargehononKu ma hamu, ale bangso Israel! Jana ise ma na margogo mangurupi hamu?

AMOS 8:7

Disumpahon Tuhan do marhite hagogodang ni si Jakob, “Nada Hulupahon salolot ni lolotna sude na dikarejohon ni halahi!

HABAKUK 3:19

Dilehen Ho do di au gogo songon pat ni ursa, patku dipatohong Ho. Dijagohon Ho do au anso sonang, di na mardalani au di partoran.

BILANGAN 24:5

Tung na jogi ma bandarmu ale Jakob dohot ingananmu ale Israel.

BILANGAN 33:52

angkon paorotonmunu sude halak na mangingani luat i. Roncohon hamu sude gana-ganaan ni halahi na sian batu dohot logam dohot angka inganan parsombaan ni halahi.

PANGARATAION 32:13

Tola ma halahi mangarajai partoran, di tano na marbatu inganan ni zetun martubuan. Panganon ni halahi do parbatu ni angka ladang minum aer ni loba harangan sian batu na marigang.

PANGARATAION 4:32

Tangkasi hamu ma hatiha na dung salpu, dao taran so sorang dope hamu, mamungka sian ari di na nitompa ni Debata jolma di tano on. Jalahi hamu ma di sandok portibi on. Unjung dehe tarjadi pangalaho na songon on godangna di jolo ni on? Adong dehe halak na jungada umbege taringot tu na masa sisongon on?

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

1 TIMOTEUS 4:10

Hara ni i ma dibaen na manggogo hita jana marsitutu na karejo i, hara ni sude arop ni rohanta tu Debata na mangolu i; Ia do Sipalua ni jolma sasudena, lumobi ma i angka halak na porsaya.

HALUMBAAN 1:16

Ditiop tangan siamunna i ma pitu bintang jana ruar ma sada podang na tajom sidua baba sian pamanganNa i. BohiNa i torang songon sinondang ni mataniari di hatiha hamilasanna.

HALUMBAAN 19:21

Jana hona bunu ma angka na asing na tinggal dope dibaen podang na ruar sian pamangan ni na Manengget kudo na bontar i. Jadi marroan ma angka unggas, dipapangani ma juhut ni halahi na hona bunu i.

HAKIM-HAKIM 7:20

Laing dibaen rombongan na dua nari ma songon i. Sude ma halahi mangangkat obor ni halahi i dohot tangan siambirang, jana mangombus sarune na di tangan siamun ni halahi lalu marsurak, “Podang di Tuhan dohot di si Gideon!”