PANGARATAION 33:28 - BIBEL JAMITA NA DENGGAN

²⁸ Mardame ma ngolu ni pomparan ni si Jakob i, sonang di tano na jogi gandum dohot aek ni anggur marlobi-lobian mangaehi tanona pe ombun na sian langit an.

PANGARATAION 33:28 ပူးပေါင်းရင်းမြစ်များ

PAMUNGKAAN 27:28

Sai dilehen Debata ma di ho ombun sian langit, jana napuma angka ladangmu baenonNa! Sai dilehen ma di ho gandum dohot anggur marlobi-lobi!

PAMUNGKAAN 27:37

Dialusi si Ishak ma, “Madung hubaen ia gabe tuanmu, jana sude kahangginia hubaen do gabe naposonia. Madung hulehen disia gandum dohot anggur. Saonnari nada adong be na tarpatupa au di ho, amang!”

PAMUNGKAAN 27:39

Dung i mandok hata ma si Ishak mangulahi, “Indangkon na adong ombun sian langit di ho, nada adong ladang na napu di ho.

1 RAJA-RAJA 5:5

Madung dijanjihon Tuhan tu damang si Daud, ‘Anakmu na giot angkatonKi gabe raja gontimu, i do na giot pajongjong bagas paribadatan di Au.’ Hara ni i, Raja Hiram na niparsangapan, au si Salomo, madung huputuskon laho pajongjong bagas i.

MASMUR 68:26

“Puji ma Debata di tonga-tonga ni parlagutan ni bangsoNa, puji ma Tuhan, o hamu pomparan ni si Jakob sudena!”

HARURUAR 33:16

Sian dia ma antong parbinotona bahaso na lomo rohaMu di bangsoMon dohot tu au anggo na so dongananMu hami? Nada he hara ni na rap do Ho dohot hami umbaen na markoti bangsoMi sian angka bangso na asing di tano on?”

PODA 19:12

Songon parngaur ni singa do parmuruk ni raja; tapi songon nambur tu suan-suanan do haburjuonna.

PODA 3:20

Marhite parbinotoanNa dibaen Ia angka batang aek mardalan dohot ombun manduruskon aek tu tano on.

JESAYA 48:1

Tangihon ma hata on, ale pomparan ni si Jakob, na mandok dirina marhite goar ni Israel, jana na nidok pomparan ni Juda; na marsumpa mangasahon goar ni Tuhan jana na mangokui Debata ni Israel, tapi nada sasintongna jana nada sian ias ni rohana.

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

JEREMIA 33:16

Paluaonna ma halak Juda dohot halak Jerusalem jana sonang baenon ngolu ni halahi. Goaron ma kota Jerusalem, ‘Tuhan do hatigoranta.’

JEREMIA 49:31

‘Beta ma maju! Tole ma taroro angka jolma na mandok aman dirina jana sonang. Nada adong ambat-ambat ni kota ni halahi, angke nada adong horbanganna jana goruk-gorukna pe nada adong.’ ”

JEHESKIEL 34:25

BaenonKu ma parjanjian dohot halahi na manjamin aman halahi. PaorotonKu ma sude binatang panyoro sian luat i sude, lopus aman angka biri-biringKi tinggal di padang-padang i dohot modom di harangan-harangan i.

ZAKARIA 14:11

Marsonang-sonang ma angka jolma maringanan di kota i, nada adong hamamago na mangancam.

ZAKARIA 8:12

Di bagasan sonang noma halahi i manyabur same. Marbatui ma angka bona ni anggur ni halahi, lehenon ni tano i ma suhana, jana langit mangalehen aek ombun. LehenonKu ma pasupasu i tu angka jolma na mangolu dope sian bangso on.

BILANGAN 23:9

Sian angka dolok na gincat, tarida ma bangso i. Sian puncut ni angka tor, huida halahi. Diboto halahi do na nipasupasu halahi so adong bangso na asing mangalobi i.

PANGARATAION 11:11

tapi anggo tano na giot siinganmunu i, angka dolok dohot rura-rura do; tano na nitombur ni udan.

PANGARATAION 12:10

Dung ditaripari hamu Batang aek Jordan, urupan ni Tuhan ma hamu mambuat dohot mangingani tano na di bariba ni batang aek i. OndihononNia do hamu sian sasude musumunu, jana di bagasan sonang ma hamu mangolu.

PANGARATAION 32:2

Sai songon parmijur ni udan ma pangajaranku manetehi ma i songon ombun. Jana songon udan ma na hudokkon i tungkis tu suan-suanan na martumbik, songon panetek-netek ni udan di ginjang ni duhut na martubuan.

PANGARATAION 32:8

Ditontuhon Ia batas di ganup bangso, dibagi do i hombar tu torop ni bangso Israel.

PANGARATAION 33:12

Salaho tu Marga Benyamin didok ia: “On ma marga hasudungan marga na nihaholongan ni Tuhan. Dijagohon Ia do i borngin dohot arian di antara ni dolokNia halahi maringanan.”

PANGARATAION 33:13

Salaho tu Marga Josep didok si Musa ma: “Sai dipasupasu Tuhan ma tano ni halahi mardongan aek sian toru ni tano dohot udan sian langit i.

HALUMBAAN 21:27

Tapi sanga ise halak na mangkarejohon angka pangalaho sihailahononkon, dohot angka pargabus, nada dipatola masuk tu bagasan – pendekna sandok na hodar, nada tola dioban masuk tu bagasan. Anggo na dipatola masuk tu bagasan, hum angka halak na tarsurat do goarna di bagasan buku hangoluan ni Anak Ni Biri-biri i.