Dijagoi Tuhan do sandok portibi on jana dipatuduhon Ia do hagogooanNia tu angka jolma na setia tuSia. Di pambaenanmi dipataridahon ho do ho na bodo, patunda ni i, mamungka saonnari sai marpupu noma ho mangalami parporangan.”
Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.
Tapi dipiohon amangna i ma angka naposona jana didok ma, ‘Pasigop buat pakean na dumenggan jana pakehon manigor tusia. Baen tintin tu jari-jarina i dohot sipatu tu patna i.
Sanga aha pe cobaan na nibolusmunu, cobaan na somal dialami jolma dope i. Tapi anggo Debata burju do marningot janjiNa. Nada pola dipadiar Ia hamu dicoba lobi sian na tolap gogomunu. Muda hatiha ro cobaan tu hamu, lehenonNia do dalan di hamu anso tahan hamu manaon cobaan i.
Nada hata na rumar angka pangajaran on, tapi hangoluan do. Oloi hamu ma sude pangajaran i, anso ginjang umurmunu di tano na so sadia lolot nari be buatonmunu, di bariba ni Batang aek Jordan i.”
Oloi hamu ma sandok aturan na hulehen tu hamu sadari on, jadi gabe horas ma hamu dohot pomparanmunu. Sai torus ma hamu mangolu di tano na nilehen ni Tuhan na gabe hamu puna salolot-lolotna.”