PANGARATAION 33:23 - BIBEL JAMITA NA DENGGAN

²³ Salaho tu Marga Naftali didok si Musa: “Dipalobi do tu Naftali pasupasu holong ni roha ni Tuhan; tanonia manggistang sian Dano Galilea tu Selatan.”

PANGARATAION 33:23 ပူးပေါင်းရင်းမြစ်များ

PAMUNGKAAN 49:21

Si Naftali, songon ursa na malua do, angka anakmu pe jogi tompana.

MASMUR 36:8

Butongan hami di sipanganon na marlobi-lobi na niparadeMu, mardongan inumon na sian batang aekMu na patogarkon.

MASMUR 90:14

Duruskon ma holong ni rohaMu tu hami ganop manyogot, anso marjop ni roha hami jana marende salolot hami mangolu.

JEREMIA 31:14

PapuasonKu ma angka malim dohot panganon na marlobi-lobi; jana lehenonKu sude haporluan ni bangsongKu. Au Tuhan, Au do na mandok songon i.”

MATEUS 11:28

“Ro ma hamu tu Au, sude hamu na loja jana na sorat bobanna, Hupasonang pe hamu!

MATEUS 4:13

Ditadingkon Ia ma kota Nasaret, kehe ma Ia maringanan tu kota Kapernaum. I ma sada kota di topi ni Dano Galilea na masuk tu Luat Zebulon dohot Naftali.

MATEUS 4:16

Halak na maringanan di bagasan hagolapan madung marnida sondang na godang! Madung bincar sinondang na torang! Di halak na maringanan di luat na nilinggoman ni hamatean!”

PANGARATAION 33:24

Salaho tu Marga Aser didok si Musa: “Sian sude marga ni Israel na umbahat do marpasupasu Marga Aser. Haholongan ni kahanggina do ia zetun pe tubu simbur di tanonia.