PANGARATAION 33:22 - BIBEL JAMITA NA DENGGAN

²² Salaho tu Marga Dan didok si Musa, “Singa na poso do si Dan. Mangalumpat ia ruar sian Basan.”

PANGARATAION 33:22 ပူးပေါင်းရင်းမြစ်များ

JOB 37:1

Bade i ma mambaen taroktokku humitir dohot ate-ateniba gumadobur.

JEHESKIEL 19:2

Songon singa boru-boru do inangmu na gogo boti na jorbut. Dipagodang-godang ia angka anaknia di tonga-tonga ni angka singa na tongam.

JEHESKIEL 19:3

Sada sian anakna diajari manjalahi soroanna. Jadi gabe singa na garang ma panjomak jana sisoro jolma.

JOSUA 19:47

Nada tarbuat angka halak na sian Marga Dan deba sian bagian ni halahi i, gabe kehe ma halahi tu Lesem mamorangi kota i. Jadi dirampas halahi ma kota i lalu dibunu pangisina i, jana ujungna diingani halahi ma kota i. Jadi gabe maringanan ma halahi disi jana digonti halahi ma goar ni kota Lesem gabe kota Dan mangihutkon goar ni ompu ni halahi.

HAKIM-HAKIM 13:2

Adong ma di hatiha i sada bayo di kota Zora, goarna si Manoah sian Marga Dan. Na so maruntungan do dadaborunia.

HAKIM-HAKIM 14:19

Dung i tompu ma si Simson gabe gogo dibaen kuaso ni Tuhan, lalu kehe ma ia tu Askelon. Dibunu ia ma disi tolu pulu halak bayo na marpakean na jeges-jeges, lalu dibuat ia ma pakeanna i lalu dilehen ia tu sitolu pulu halak na mangalusi huling-kulingannia i. Dung i, mulak ma ia tu bagasnia di bagasan roha na dokdok.

HAKIM-HAKIM 14:6

Tompu ma gabe margogo si Simson dibaen kuaso ni Tuhan, jadi disibak-sibak ia ma singa i dohot tangannia, songon dia ma hambeng dibaen ia singa i. Anggo tu amangnia dohot inangnia nada dicaritohon ia salaho tusi.

HAKIM-HAKIM 15:15

Dung i adong ma dapot ia holi-holi isang-isang ni halode na baru mate. Dibuat ia ma holi-holi i, i ma dipake ia laho mamukuli saribu halak lopus mate.

HAKIM-HAKIM 15:8

Dung i diroro ia ma mangalo halahi jana bahat do sian halahi na nibununia dohot kejam. Dung i kehe ma ia jana maringanan ma ia di dolok batu di Etam.

HAKIM-HAKIM 16:30

pio-pio ma ia, “Padiar ma mate au rap dohot angka halak Pilistin on!” Jana sagogonia dionjar ia ma tiang i lopus marumpak jana didondoni ma silima halak na markuaso ni Pilistin i rap dohot sude jolma na asing na adong disi. Laing mate do dohot si Simson. Tapi, umbahat do dibunu ia jolma di hatiha parmatenia i sian di hatiha ni ngolunia.

HAKIM-HAKIM 18:27

Dung dioban angka halak Dan i malim i dohot barang-barang na dibaen ni si Mika i, kehe ma halahi mamorangi Lais, kota na gok hasonangan i ma kota na di rura Bet-Rehob. Dibunu halahi ma angka halak na di kota i, jana disurbu ma kota i.