PANGARATAION 33:2 - BIBEL JAMITA NA DENGGAN

² “Ro do Tuhan sian Dolok Sinai bincar di ginjang ni Edom songon mataniari. Sian Dolok Paran murgap Ia laho manyondangi bangsoNa, diudurkon sampulu ribu surusuruan api na marjilam di tanganna songon hilap.

PANGARATAION 33:2 ပူးပေါင်းရင်းမြစ်များ

1 RAJA-RAJA 11:18

Kehe ma halahi sian Midian, lalu ma tu Paran, jana disi ma marsuo halahi dohot halak na asing deba nari jadi udur ma halahi tu Mesir mandapotkon raja Mesir. Dilehen raja i ma tu si Hadad bagas dohot tano baen inganannia dohot haroroan ni ngolu-ngolunia.

MASMUR 50:2

Sian Sion, kota na jumeges, marsinondang Debata maradu torang.

MASMUR 68:17

Mardongan angka kareta na togu, bahatna marpulu ribu, ro ma Tuhan sian Sinai tu ingananNa Na Badia i.

MASMUR 68:18

Manaek ma Ia tu inganan na gincat mardongan sahala, bahat do dioban Ia angka na tartaban; jana dijagit Ia do silua somba-somba sian angka jolma, jana dohot sian angka pangalo, anso maringan. halahi rap dohot Tuhan Debata.

HARURUAR 23:20

“Ingot ma suruonKu do surusuruanKu manjoloi hamu laho mangondihon hamu di pardalanan dohot maroban hamu tu inganan na dung Huparade.

DANIEL 4:13

Taran mamikiri parnidaan i au, huida ma sada surusuruan mijur sian banua ginjang; idaon songon na hobas do ia jana manat-manat.

HABAKUK 3:3

Ro do Debata sian Luat Teman, jana Na Sun Badia sian Dolok Paran. Ditutupi hamuliaonMu do langit; tano on gok puji-pujian di goarMu.

BILANGAN 10:12

Halak Israel pe mamungka ma mardalan ruar sian Parhorsihan Sinai. Dung bolkas tu Parhorsihan Paran, maradian ma ombun i.

BAENON NI ANGKA RASUL 7:53

Boti pe, madung dipalalu angka surusuruan tu hamu ale angka dongan angka parenta ni Debata, hapengani nada ra hamu mangihutkonsa!”

2 KORINTUS 3:7

Dompak na manotopkon parjanjian na mamatehon i dohot na manyuratkon i di batu, marsinondang do hagodangan ni Debata marnyala-nyala. Hara ni torangna jabat inda tartontang halak Israel be bohi ni si Musa, haru pe madung mamungka mondap nian sinondang i di hatiha i. Antong, salangkan pamungkaan ni parjanjian na mamatehon i dirasmihon dohot sinondang na songon i torangna,

2 KORINTUS 3:9

Angke muda marhasangapan tohonan na tu hamagoan, mur sumangapan dope hasangapan ni parjanjian ni hatigoran i.

GALATIA 3:10

Sanga ise halak na marguru tu Tona, na mangolu di toru ni bura do halahi sudena. Angke tarsurat do di Buku Na Badia i, “Sanga ise na so burju mandalankon sasudena parenta na tarsurat di Tona i, buraan ni Debata ma halakna i!”

GALATIA 3:19

Anggo songon i do hape, aha do gunana nilehen Tona i? Anggo alus ni i, songon on do: Songon tamba-tamba do Tona i dilehen laho patuduhon tu jolma sanga aha na margoar dosa. Intap ni haroro ni sahalak sian pomparan ni si Abraham sajo do mardalan anggo Tona i, i ma na dipaboa hian di bagasan janji ni Debata tu si Abraham i. Na nipasahat ni angka surusuruan do Tona i tu jolma markite-hite sada halak.

GALATIA 4:24

On ma jolo songon tudosanna. Ina-ina na dua i tarsongon dua parjanjian ma i: Na sada marharoroan sian Dolok Sinai – i ma si Hagar; angka dakdanaknia pe sorang ma i songon hatoban.

PANGARATAION 5:22

I ma angka parenta na nilehen ni Tuhan tu bangso na marlagut di dolok i. Di na mangkuling Ia mardongan sora na mangaronggur sian api dohot ombun dohot hagolapan i, disi ma Dilehen Ia angka parenta on, jana nada adong na asing Dilehen Ia. Lalu disuratkon Ia muse ma i di batu siduangkoping jana Dilehen Ia ma i tu au.”

2 TESSALONIKA 1:7

Jana tu hamu angka na manjagit sitaonon saonnari – laing songon i muse tu hami – lehenon ni Debata ma halumbangan muda dung tarida Tuhan Jesus mijur sian banua ginjang rap dohot angka surusuruanNia na markuaso i

IBRANI 12:20

Angke nada tahan halahi pabege-bege parenta na nipalalu ni sora i. Angke didok sora i do, “Sasudena na mandonohi dolok on, nada marimbar sanga na binatang sanga na ise pe tehe, angkon dangguran do dohot batu lopus mate.”

IBRANI 2:2

Harana muda dung togu angka na nihatahon ni angka panurirang i, jana ganop pangalosion dohot panggagaion manjagit pamaloson na hombar tu pangalahona,

JUDAS 1:14

Jungada do didok si Henokh pomparan ni si Adam na papitu sundutkon taringot tu halak sisongon on. Didok ia, “Ligi da, na giot ro do Tuhan mardongan angka surusuruanNia na marribu-ribu

HALUMBAAN 5:11

Dung i manaili ma au mangulahi. Hubege ma sora ni surusuruan na marribu-ribu dohot na marjuta-juta bahatna! Jongjong ma halahi humaliang habangsa i dohot humaliang mahluk siopat-opat i dohot angka pangituai i.