PANGARATAION 33:16 - BIBEL JAMITA NA DENGGAN

¹⁶ dohot na lobi jeges sian sude isi ni portibi on, na nisatujui ni Tuhan sian ramba na gara di si Josep ma pasupasu on dohot di pomparanna. Si Josep on do pamimpin di kahanggina.

PANGARATAION 33:16 ပူးပေါင်းရင်းမြစ်များ

PAMUNGKAAN 37:28

jana hatiha mamolus deba saudagar halak Midian diparuar angka angkangna i ma si Josep sian bagasan sumur i, digadiskon halahi ma ia tu halak Ismael i arga dua pulu hepeng perak. Dung i dioban angka parjagal i ma ia tu Mesir.

PAMUNGKAAN 37:36

Jadi dung lalu di Mesir, manigor digadis halak Midian i ma si Josep tu si Potifar, i ma sada halak parpangkat na gabe kapala ni pangawal ni bagas godang.

PAMUNGKAAN 37:8

“Ning rohamu ma lakna gabe ho na giot mangarajai hami?” ninna angka angkangnia i manyapai ia. Jadi mur tamba ma goyak ni roha ni halahi mida ia hara ni angka na nidoknia i.

PAMUNGKAAN 43:32

Asing ma si Josep dioloi di sada meja na inding, jana di meja na asing ma angka kahangginia i. Angka halak Mesir na dohot mangan disi pe dioloi di meja na asing muse do, angke layas do dihilala halahi muda rap mangan dohot halak Ibrani.

PAMUNGKAAN 49:26

Gumodang do pasupasu ni amangmu, sian pasupasu ni angka dolok na santak tobang, jana na tumabo sian angka tor na hot. Sai mijur ma sude angka pasupasu i tu ulu ni si Josep, tu ginjang ni bohi ni na sumurung sian kahanggina.

MASMUR 24:1

Tuhan do nampuna tano dohot pangisina, portibi dohot sude na manginganisa.

MASMUR 50:12

Muda male Au, nada pola paboaonKu i tu ho, angke Au do nampuna portibi on dohot isina.

MASMUR 89:11

Langit dohot portibi Ho do nampuna i, tano dohot isina sude na nitompaMu do i.

HARURUAR 2:2

Dung i ditubuhon dadaboru i ma sada anak halaklahi. Dung diida ia jeges ni rupa ni dakdanak i, dibunihon ia ma dakdanak i tolu bulan honokna.

JEREMIA 8:16

Madung di kota Dan musu; madung habegean parngiho-ngiho ni kudo ni halahi, jana gabe mabiar sude na saluat. Madung ro musu laho manyegohon sude tanonta, songon i dohot hutanta maradu sude halak na manginganisa.”

BILANGAN 26:28

Sian si Josep amang ni dua halak halaklahi: Marga Manase dohot Efraim.

MARKUS 12:26

Dung i anggo taringot tu angka na mate i na dipangolu mangulahi, adong he na so jungada dope disise hamu di buku ni si Musa taringot tu ramba na gor i? Di angka ayat i adong do tarsurat na nidok ni Debata tu si Musa songon on, ‘Au do Debata ni si Abraham, Debata ni si Ishak dohot Debata ni si Jakob.’

LUKAS 2:14

“Hasangapan ma di Debata na di ginjang, dame ma di tano on di angka jolma halomoan i!”

BAENON NI ANGKA RASUL 7:35

Si Musa on ma na nitulak ni halahi, di na nidok ni halahi, ‘Ise he na mambaen ho gabe pamimpin dohot panguhum di hami?’ Hapengani ia do muse na nisuru ni Debata gabe pamimpin dohot na paluahon, markite-hite pangurupi ni surusuruan na ro mandapotkon ia di tadatada i.

1 KORINTUS 10:26

Angke tarsurat do di Buku Na Badia i, “Tuhan do nampuna tano on dohot sude isina.”

1 KORINTUS 10:28

Tapi muda adong mandok tu hamu, “Anggo sipanganon on, na dung nihaulkon do on tu gana-ganaan,” ulang pangan hamu sipanganon i be hara ni haporluan ni halahi bope hara ni sora ni taroktok.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.