PANGARATAION 33:14 - BIBEL JAMITA NA DENGGAN

¹⁴ Na lobi jeges sian na nisuhahon ni mataniari dohot na lobi jeges na nitubuhon ni bulan,

PANGARATAION 33:14 ပူးပေါင်းရင်းမြစ်များ

2 SAMUEL 23:4

Songon mataniari bincar ia di andostorang di na mamungka langit marrara. Songon sondang ni mataniari do ia dung abis udan, mambaen duhut na mangarata marsilo-siloan.”

MASMUR 104:19

Baen tanda ni hatiha dibaen Ho bulan, diboto mataniari do sanga sadihari ia lusut.

MASMUR 74:16

Ditompa Ho do arian dohot borngin, ditontuhon Ho do inganan ni bulan dohot mataniari.

MASMUR 8:3

Muda hutatap langit na nipauliMi, hupareso bulan dohot bintang na nitompaMi,

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

HAMALIMON 26:4

Huparo pe udan di hatihana, gabe dilehen tano i ma suhana jana marbatu ma hayu na nisuanmunu.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

BAENON NI ANGKA RASUL 14:17

Tapi nada lupa Ia mangalehen angka bukti taringot tu diriNia, markite-hite na mambaen na denggan. Dilehen Ia do udan tu hamu sian langit i dohot suha ni tano marguru tu hatihana. Dilehen Ia do balanjo di hamu jana dipasonang Ia do rohamunu.”

PANGARATAION 28:8

Pasupasuon ni Tuhan ma karejomunu jana gohanna angka talobatmunu dohot gandum. PasupasuonNia ma ho di tano na giot silehenonNia di ho.

PANGARATAION 33:13

Salaho tu Marga Josep didok si Musa ma: “Sai dipasupasu Tuhan ma tano ni halahi mardongan aek sian toru ni tano dohot udan sian langit i.

PANGARATAION 33:15

dohot na umporlu sian dolok-dolok mulai najolo, dohot na umporlu sian angka tor na marratus taon,

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.

HALUMBAAN 22:2

torus ma i tu angka dalan godang na di kota i. Ditopi ni batang aek i paipar-ipar adong ma bona ni hayu haroroan ni hangoluan, na marbatu ganop taon dua bolas noli, i ma sanoli sabulan. Bulungna i, dibaen do laho pamalumkon angka bangso.