PANGARATAION 33:12 - BIBEL JAMITA NA DENGGAN

¹² Salaho tu Marga Benyamin didok ia: “On ma marga hasudungan marga na nihaholongan ni Tuhan. Dijagohon Ia do i borngin dohot arian di antara ni dolokNia halahi maringanan.”

PANGARATAION 33:12 ပူးပေါင်းရင်းမြစ်များ

2 SAMUEL 12:24

Dung i diapoi si Daud ma roha ni si Batseba dadaborunia i, lalu rap modom ma halahi. Sorang ma anak ni si Batseba halaklahi, dibaen si Daud ma goarna si Salomo. Holong do roha ni Tuhan di dakdanak i,

2 SAMUEL 12:25

jana disuru Tuhan ma Panurirang Natan mambaen goar ni dakdanak i si Jediya, angke holong do roha ni Tuhan antong disia.

1 RAJA-RAJA 12:21

Dung lalu si Rehabeam di Jerusalem, dipalagut ia ma 180.000 tentarania na dumenggan sian Marga Juda dohot Benyamin. Na giot marporang do maksudnia dohot laho pasuangkon kuasonia di angka marga na di bagian Utara ni Israel.

2 JUJUR TAON 11:1

Di na lalu Raja Rehabeam di Jerusalem, dipalagut ia ma 180.000 tentarania na dumenggan sian Marga Benyamin dohot Juda laho mamorangi halak Israel dohot pasuangkon kuasonia maradopkon angka marga na di Israel bagian Parutara.

2 JUJUR TAON 15:2

jadi gabe kehe ma ia mandapotkon Raja Asa, jana didok ia ma, “Ale Raja Asa, dohot sude halak na maringanan di Juda dohot Benyamin! Tangihon ma! Donok do Tuhan tu hamu muda donok hamu tuSia. Muda mangido panogu-noguon hamu tuSia, lehenonNia ma i. Tapi muda nada parduli hamu diSia, Ia pe nada parduli di hamu.

MASMUR 132:14

Didok Ia do, “On ma ingananKu salolot-lolotna, dison ma por rohangKu marhabangsa.

MASMUR 60:5

anso malua angka halak na nihaholongan ni rohaMu. Lehen ma hamonangan marhite kuasoMu jana tangihon ma tangiangnami.

MASMUR 91:4

SaonganNia ma ho dohot habongNia, gabe sonang ma ho di linggomanNia. Jagohonon jana ondihononNia ma ho marhite habonaranNia.

HARURUAR 28:12

Baen ma batu intan i tu tali abara ni efod i, songon na mangwakili marga ni Israel na dua bolas i. Songon i ma carana baenon ni si Harun paoban-oban goar ni halahi di abarania, anso Au, Tuhan marningot tongtong di halahi.

JESAYA 37:22

madung didok Tuhan tu si Sanherib, “Partataan jana pacia-ciaon ni kota Jerusalem do ho, ale Sanherib.

JESAYA 37:35

Hubela jana Huondingi do kota Jerusalem, hara ni hasangapanKu sandiri dohot hara ni parjanjianKu dohot naposongKu si Daud.’ ”

JESAYA 51:16

Hubaen do hatangKu tu pamanganmu, jana Hubunihon do ho di ondingan ni tanganKu, anso Hupahembang muse langit jana Hupayakkon ojahan ni tano on, dohononKu ma tu Sion: Ho do bangsongKu!”

JEREMIA 12:7

Madung Hutinggalkon bagas ingananKi jana Huambungkon luatKi. Madung Hupasahat haholonganKi tu tangan ni musuna.

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!

PANGARATAION 12:10

Dung ditaripari hamu Batang aek Jordan, urupan ni Tuhan ma hamu mambuat dohot mangingani tano na di bariba ni batang aek i. OndihononNia do hamu sian sasude musumunu, jana di bagasan sonang ma hamu mangolu.

PANGARATAION 32:11

Songon halihi na mangajar anakna habang, ditarehon habongna anso ulang madabu. Songon i do Tuhan manjagahon Israel, anso ulang madabu.

PANGARATAION 33:11

Tuhan, dongani ma marga on anso margogo, marhite na nibaen ni halahi, anso sonang Ho. Ropuk ma sude musu ni halahi; anso ulang be bisa halahi bangkit.”

PANGARATAION 4:37

Hara ni na holong rohaNia di ompumunu, madung ditodo Ia hamu; mardongan godang ni kuasoNia, madung dioban Ia hamu ruar sian Mesir.

HAKIM-HAKIM 1:21

Marga Benyamin pe nada tarusir halahi morot halak Jebus sian kota Jerusalem. I ma dalanna umbaen na laing rap disi halak Jebus dohot halak Benyamin.

1 SAMUEL 10:20

Dung i disuru si Samuel ma marga i sude ro tu jolo, jana hona ma Marga Benyamin.