PANGARATAION 33:11 - BIBEL JAMITA NA DENGGAN

¹¹ Tuhan, dongani ma marga on anso margogo, marhite na nibaen ni halahi, anso sonang Ho. Ropuk ma sude musu ni halahi; anso ulang be bisa halahi bangkit.”

PANGARATAION 33:11 ပူးပေါင်းရင်းမြစ်များ

2 SAMUEL 24:23

Dilehen si Arauna ma sudena i tu raja i, lalu didok ia dope, “Sai dijagit Tuhan Debata ni raja i ma nian haul na nipasahat ni raja i.”

MASMUR 20:3

Sai dijagit Ia ma sude haul na nilehenmu, jana jop ma rohaNia di haul na nitutungmu.

JESAYA 29:21

na mamuratu mandok halak pardosa, na mambaen jorat tu halak na paingotkon dohot na manyosak halak na tigor markite-hite saksi pargabus.

JEREMIA 15:10

Na sial ma da au on! Tu aha do umbaen na ditubuhon dainang au? Angkon martongkar jana martangkangi au dohot sandok jolma na adong di luat on. So jungada au painjamkon sanga manginjam, hape haru songon i pe sude jolma mamurai au.

JEREMIA 17:18

Sai Ho ma pailahon dohot manggohi biar tu halak na manyompiti ngolungku. Tapi ulang baen tu au songon i ale Tuhan. Paro ma jaya hamagoan tu halahi lopus abis matimpas halahi.

JEHESKIEL 43:27

Dung marujung sipitu ari i, angkon mamungka ma angka malim mangkaulkon haul situtungon dohot haul pardamean di bangso i di ginjang ni langgatan i. Jadi gabe jop ma rohangKu mida hamu sudena. Au Tuhan Debata madung mandok songon i.”

AMOS 5:10

Goyak do rohamunu mida halak na mangalo hageduhan jana na mandok hata na tutu di paruhuman.

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

PANGARATAION 33:10

Diajari halahi do bangsoMu mangoloi UhumMu; dibaen halahi do haul di langgatanMu.

PANGARATAION 33:12

Salaho tu Marga Benyamin didok ia: “On ma marga hasudungan marga na nihaholongan ni Tuhan. Dijagohon Ia do i borngin dohot arian di antara ni dolokNia halahi maringanan.”

1 TESSALONIKA 4:8

Hara ni i, sanga ise na manulak pangajaran on nada jolma be na nitulakna, tapi na manulak Debata na mangalehen TondiNa na badia i do tu hamu.