PANGARATAION 32:7 - BIBEL JAMITA NA DENGGAN

⁷ Ingot ma ari na salpu, hatiha najoloan, barita di parningotan laing tarsimpan, sapai angka amantamunu, sude angka na masa na salpu, sapai ma angka hatobangonmunu, anso dipaboa tu hamu angka na masa na salpu.

PANGARATAION 32:7 ပူးပေါင်းရင်းမြစ်များ

MASMUR 10:6

Ning rohania di bagasan, “Karejongku nada adong sundatna, nada hona mara salolotna.”

MASMUR 119:52

O Tuhan, huingot do parentaMu na adong sian najolo, gabe tarapul ma rohangku.

MASMUR 44:1

Hami bege sandiri do, ale Debata, holong ni roha na nibaritahon ni ompunami, taringot tu hagodangan ni karejo na nipatulusMu di hatiha na salpu di na robi.

MASMUR 44:2

Ho sandiri do paorotkon angka bangso anso hot bangsoMi di tano ni halahi. Diago Ho do angka bangso na asing i, hape anggo bangsoMi dipadiar Ho do mamopari.

MASMUR 77:8

Na dung mantak dehe Ia mangkaholongi hami? Na so gokanNia be ulaning janjiNia i?

MASMUR 78:5

Dilehen Ia do tu Israel angka aturanNia, dohot tu pomparan ni si Jakob parentaNa. Disuru Ia angka ompu na umpompar hita mangajarkonsa tu angka dakdanakna,

HARURUAR 12:26

Muda disapai angka dakdanakmunu, ‘Aha dehe astuan ni on?’

HARURUAR 13:14

Muda disapai anakmu di pudian ni ari sanga aha astuan ni pesta on, angkon alusanmunu songon on, ‘Marhite hagodangan ni kuaso ni Tuhan do, na maroban hita ruar sian Mesir inganan parhatobananta i.

JESAYA 46:9

Ingoti di bagasan rohamu sude na masa na salpu angka pangalaho na tarjadi najolo. Okui ma, na so adong Debata asing sian Au nada adong na sarupa dohot Au.

JESAYA 63:11

Jadi gabe tarsunggul ma tu roha ni halahi hatiha narobian; hatiha ni si Musa, naposo ni Tuhan i. Marsapa ma halahi, “Di dia do Ia, na manogu-nogu angka pamimpinta mamolus laut? Di dia do Tuhan na mangalehen kuasoNia tu si Musa?

PANGARATAION 4:32

Tangkasi hamu ma hatiha na dung salpu, dao taran so sorang dope hamu, mamungka sian ari di na nitompa ni Debata jolma di tano on. Jalahi hamu ma di sandok portibi on. Unjung dehe tarjadi pangalaho na songon on godangna di jolo ni on? Adong dehe halak na jungada umbege taringot tu na masa sisongon on?

PANGARATAION 8:2

Ingot hamu ma! Opat pulu taon lolotna Tuhan Debatamunu manogu-nogu hamu di pardalanan na dao manyalpui parhorsihan. Diloas Ia masa angka hamaolon tu hamu laho manguji hamu, anso tarida Ia sanga aha na giot baenonmunu jana sanga na oloanmunu do angka parentaNia.

HAKIM-HAKIM 6:13

“Tola dehe au marsapa Tuan? ning si Gideon mangalusi. Muda tutu Tuhan mandongani hami, antong biasi didondoni angka pangalaho on hami? Di dia do sandok hahomangan na jungada dibaen Tuhan najolo i jana na nicaritohon ni angka ompu na umpompar hami sanga songon dia pangharuarkon ni Tuhan di halahi sian Mesir? Saonnari madung ditadingkon Tuhan hami jana dipadiar Ia hami dirajai angka halak Midian.”