PANGARATAION 32:5 - BIBEL JAMITA NA DENGGAN

⁵ Tapi anggo hamu, i ma sada bangso na sai marroha mago, na so patut gabe bangsoNa, na gok akal busuk dohot dosa.

PANGARATAION 32:5 ပူးပေါင်းရင်းမြစ်များ

PAMUNGKAAN 6:12

Ditatap Debata ma sude tano on jana diida Ia do hajahatanna dibaen madung sude ngolu ni jolma i jahat.

MASMUR 78:8

Anso ulang halahi songon ompuna, na sai mangalo jana manggaga. Sai na ganggu do haporsayaan ni sundut ni halahi nada setia tu Debata halahi.

HARURUAR 32:7

Didok Tuhan ma tu si Musa, “Kehe ma ho manuat, harana ma gabe marrorang bangsomi na niobanmu ruar sian Mesir.

PODA 8:8

Hombar do tu hatutuan angka na hudokkon, umpe sada na sala sanga pe na paliluhon.

JESAYA 1:4

Marjaya ma hamu bangso pardosa, angka halak na so ture jana na jahat pomparan ni angka parjahat, angka dakdanak na marparange na jat! Ditulak jana ditinggalkon halahi do Tuhan Na Sun Badia i, Debata ni Israel, jana manghudukkon Ia.

JESAYA 63:8

PandokNia, “Satutuna do bangsongKu halahi, nada Au gabusan ni halahi.” Gabe dipalua Ia do halahi,

HOSEA 9:9

Na lobi do jahatmunu songon na dung unjung dibaen halak Gibea. Ingoton ni Debata do hasalaanmunu jana uhumanNa hamu hara ni dosamunu i.

ZEPANYA 3:7

Ning rohangKu ma, “Anggo saonnari pasti pasangapan ni bangsongKi ma Au, jana tangihononna sandok sipaingotKu. Hapengani, mur tu jotjotna do halahi mambaen jahat martimbangkon na salpu.

BILANGAN 23:21

Huida ari pangapudian ni Israel na marbungaran; nada hona bala dohot mara Tuhan, i do Debatana. Tudia pe tongtong do dohot Ia. Didok halahi: Ibana do Raja!

MATEUS 16:4

“Songon on ma jahatna dohot durakona na giot mangido tanda? Hum sada tanda pe nada patuduhonon tu hamu, asing sian tanda na tu si Junus.” Dung didokkon Jesus songon i, ditinggalkon Ia ma halahi, lalu kehe Ia.

MATEUS 17:17

Dialusi Jesus ma, “O hamu angka angkatan na so porsaya jana na lilu, angkon sadia honok Au rap dohot hamu? Angkon sadia honok nari Au sobar paida-ida hamu? Oban ma tuson dakdanak i!”

MATEUS 3:7

Bahat muse do halak Parise dohot Saduse na marroan tu si Johannes, anso tardidi. Dung diida ia halahi marroan, didok ia ma tu halahi, “Hamu angka pomparan ni ulok! Ise do mandok tu hamu, na bisa pasimbilon dirimunu sian muruk ni Debata na giot ro i?

LUKAS 9:41

Dialusi Jesus ma, “O, hamu angka pomparan na so porsaya jana na lilu! Olat ni andigan pe angkon rap Au dohot hamu jana sai sobar tu hamu? Oban ma tuson anakmi!”

JOHANNES 8:41

Na nibaen ni amangmunu; i do na nibaenmunu.” Dialusi halak Jahudi i ma, “Nada anak gampang hami. Hum sada do Amangnami, i ma Debata sandiri.”

BAENON NI ANGKA RASUL 2:40

Songon i ma dipatorang si Petrus tu halahi dohot ragam-ragam pandohan na asing, jana dipaingot ia halahi, ninna ma, “Sai ra ma hamu nipalua sian sundut na jahat on.”

BAENON NI ANGKA RASUL 7:51

O hamu na jogal rungkung, bope na marroha dohot na marpinggol songon halak na so mananda Debata! Tongtong do dialo hamu Tondi Parbadia, songon ompumunu i, laing songon i do hamu muse.

2 KORINTUS 11:3

Tapi songon na ganggu do rohangku, betak na hona goda do hamu jana nada setia be hamu tu Kristus, sarupa dohot si Hawa narobi na hona goda dibaen habisuhon ni ulok i.

PANGARATAION 31:29

Huboto do, muda dung marujung ngolungku, marjahati ma angka jolma jana tulakkononna ma sanga aha na dung huajarkon tu halahi. Di pudian ni ari, ampe ma parmaraan tu halahi, patunda ni na mangalapi muruk ni Tuhan marhite na mambaen na nilarangNia.”

PANGARATAION 32:20

Didok ma, ‘Nada parduli Au di halahi, bangso sijogal roha na so setia i.’

PANGARATAION 4:16

Jago ma hamu anso ulang jabat mardosa hamu hara ni na mambaen patung di hamu sandiri gabe sisombaon sanga na bia pe rupana, halaklahi sanga dadaboru,

PANGARATAION 4:25

Muda dung honok hamu sanoli on maringanan di luat i, jana madung maranak marpahompu, ulang muse mardosa hamu hara ni na mambaen di dirimunu patung ni bagi aha sajo pe. Hajahatan do pangalaho na songon i di adopan ni Tuhan, jana na mambaen bonsir gabe muruk Ia.

PANGARATAION 9:24

Sian dung hutanda hamu, sai matua na mangalo do hamu tu Tuhan.

PILIPPI 2:15

Di na songon i, patuduhon hamu ma paboa na tutu hamu dakdanak ni Debata, na so martilako, na bulus jana bonar di tonga-tonga ni angka halak na jahat dohot na mardosa. Jana di na palaluhon jamita taringot tu hangoluan i hamu tu halahi, angkon gabe songon sinondang na manorangi portibi on do hamu maradopkon halahi. Muda songon i ngolumunu, gabe adong ma dalan di au saulahon laho mamuji diringku hara ni hamu, di haroro ni Jesus Kristus mangulahi. I ma tandana, na so sayang boti parjuanganki jana marhasil do halolojangki.

HAKIM-HAKIM 2:19

Tapi muda dung mate pamimpin i, jumorbut dope pangalaho ni bangso i sian sundut na di jolona. Mangoloi dohot marsomba tu angka debata na asing ma halahi. Diulahi halahi ma tu hasomalanna na jat jana nada ra halahi mangantaksa.