PANGARATAION 32:46 - BIBEL JAMITA NA DENGGAN

⁴⁶ didok si Musa ma, “Jagohon hamu ma anso oloi hamu sude parenta na hulehen tu hamu sadari on. Ajarkon hamu ma i tu angka dakdanakmunu, anso dioloi halahi sude pangajaran ni Tuhan i di bagasan haburjuon.

PANGARATAION 32:46 ပူးပေါင်းရင်းမြစ်များ

1 JUJUR TAON 22:19

Jadi, ulang so oloanmunu Tuhan Debatamunu i sian sude roha dohot gogomunu. Pungka hamu ma pajongjong bagas di Debata, anso dipamasuk tusi Poti Parjanjian ni Tuhan dohot sandok parkokas na asing i na nipake di bagasan na mandalankon ibadat.”

MASMUR 78:5

Dilehen Ia do tu Israel angka aturanNia, dohot tu pomparan ni si Jakob parentaNa. Disuru Ia angka ompu na umpompar hita mangajarkonsa tu angka dakdanakna,

PODA 12:28

Hasintongan do dalan tu hangoluan; tapi tu hamatean do dalan ni na jahat.

JEHESKIEL 40:4

Didok bayo i ma tu au, “Ale jolma parsantongkinan, tangkas tangihon dohot parrohahon sude sanga aha na hupatidahon tu ho, angke hara ni i do umbaen na dioban ho tuson. Paboa ma tu bangso Israel sude na giot patidahonon tu ho.”

JEHESKIEL 44:5

jana didok Tuhan ma tu au, “Ale anak ni jolma parsantongkinan tangkas ma parrohahon sanga aha na niidamu dohot na nibegemu. PaboaonKu ma tu ho sude paraturan dohot uhum salaho tu BagasKon. Tangkas ma suratkon sanga na angka ise na tola masuk tu BagasKon dohot na so tola masuk.

AMOS 5:4

Didok Tuhan ma tu halak Israel, “Mulak ma hamu tu Au, anso gabe mangolu hamu.

LUKAS 9:44

“Tangkas ma parrohahon hamu na Hudok on: Pasahaton ma Anak Ni Jolma i tu kuaso ni jolma.”

PANGARATAION 11:18

Sai paingot-ingot hamu ma angka parentaNa i jana haholongi hamu. Tambatkon ma i di tanganmunu jana lilitkon di bohimu baen parningotan.

PANGARATAION 11:19

Ajarkon ma i tu angka dakdanakmu. Sai hobar-hobari hamu ma i dompak di bagas hamu sanga pe di na mardalanan, dompak maradian hamu sanga di hatiha markarejo.

PANGARATAION 32:45

Dung sidung pasahatkon angka parjanjian ni Tuhan tu bangso Israel,

PANGARATAION 4:6

Patutna ma nian setia hamu patuluskon sude aturan i. Muda dibaen hamu songon i, nalnal ma abisuhonmunu maradopkon angka bangso na asing i. Muda dibege halahi taringot tu angka aturan i, dokkonon ni halahi ma, ‘Na bisuk jana na pistar ma da antong bangso na godang on!’

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

IBRANI 2:1

Hara ni i ma umbaen na porlu hita mur manat tu angka na hita bege, anso ulang mayup hita.